اسلام آباد۔ 20 ستمبر(اے پی پی) پختونخواملی عوامی پارٹی نا سروک محمود خان اچکزئی پارینے کہ چمن آن ہلیس بلیدی اسکان چیکنگ نا پن آ خلقت ءِ تنک کننگ انگ ءِ ، لکھ آ شناختی کارڈ آتے اسہ وار ولدا بلاک کننگانے دانا نوٹس ءِ اَلنگے۔ چارشنبے نادے قومی اسمبلی ٹی اعتراضی ٹک آ محمود خان اچکزئی پارے کہ چمن آن ہلیس بلیدی اسکان ملیشیا نا سپاہی خلقت ءِ تنک کننگ ءُ ، ہزار آ گاڈی تے چیکنگ نا پن آ توننگک ، او گاڈی تیٹی مریض ہم مریک ، نن روڈ آتیا پیش تمنگ کن بیوس کننگپ۔ اوپارے کہ لکھ آ شناختی کارڈ آتے ولدا بند کننگانے دانا ہم نوٹس ءِ اَلنگے۔
