بلاک شناختی کارڈ آتا بابت نادرا اسہ وڑنا پالیسی اس جوڑ کرینے اودے جھیڑہ ہی جوڑ کننگپ، ڈپٹی اسپیکر قومی اسمبلی مرتضیٰ جاوید عباسی

اسلام آباد۔ 20 ستمبر (اے پی پی) ڈپٹی اسپیکر قومی اسمبلی مرتضیٰ جاوید عباسی پارینے کہ بلاک شناختی کارڈ آتا بابت نادرا اسہ وڑنا پالیسی اس جوڑ کرینے اودے جھیڑہ ہی جوڑ کننگپ۔ چارشنبے نادے قومی اسمبلی ٹی بلال الرحمان پارے کہ فاٹا نا غٹ ایجنسی تیٹی خلقت نا دہ آن دُوانزدہ لکھ شناختی کارڈ آتے بلاک کننگانے۔ او دوبہ خلک کہ نادرا نا ملازم آک خلقت آن لکھ آ روپئی تے ہلسا شناختی کارڈ جاری کیرہ ۔ مہمند ایجنسی ٹی نوآباد اوغان قبیلہ نا خلقت نا ہم شناختی کارڈ جوڑ کننگ انگ ءِ ۔ فاٹا اسکان بڑزکو عدالت آتا ودیکی نا معاملہ غا پارلیمنٹ ناکمیٹی اس جوڑ کننگے۔ ڈپٹی اسپیکر پارے کہ بلاک شناختی کارڈ نا بابت نادرا اسہ یونیفارم پالیسی اس جوڑ کرینے اودے جھیڑہ ہی جوڑ کننگپ۔