اسلام آباد۔ 04جون ( اے پی پی) بنجاہی وزیر خزانہ محمد اسحاق ڈار ئَ گشتگ انت کہ آﺅکیں مالی سال ئِ بجٹ ئَ سرکاری ملازم ئُُ پنشنرز آں بازیں آسراتی دئیگ ئَ انت آھاں آھانی مالی مشکل ئَ کم کنگ ئَ کمک بہ رسیت۔ ہفتگ ئَ پد از بجٹ پریس کانفرنس ئَ تران کنگ ئَ وزیر خزانہ ئَ گشتگ کہ سرکاری ملازم آنی پگار ئُُ پنشن ئِ ھوالہ ئَ ہمگرنچ کمیٹی سفارشت تیار کنت ۔ کہ آ اے پڑ ئَ مردم آنی ھاتر ئَ قیمتی آنی اشاریہ ( سی پی آئی) ئَ ہم سیل کنگ ئَ انت۔ گوستگیں دہ سال سی پی آئی شش درصد ئَ کم ات ئُُ ملازم پگار ئَ ہفت ئُُ نیم درصد اضافہ کرت انت چوشکہ دو ایڈہاک الاﺅنس ئَ ضم کرت انت۔ آئی ئَ گشتگ کہ رواں سال سی پی آئی 3درصد ئَ کم ات بلے ھالت ئَ شرتری ، شریں مالیاتی نظم ئُُ ضبط ئِ وجہ ئَ سرکاری ملازم ئُُ پنشنرز آں اے ھوالہ ئَ کمیٹی ئِ سفارشت ئَ زیات آسراتی دات انت پرچاکہ کابینہ ئُُ حکومت ئَ اے پڑ ئَ پیسلہ کنگی ات۔ آئی ئَ گشتگ کہ دو ایڈہاک الاﺅنس ضم کنگ ئَ پد 10درصد ایڈہاک الاﺅنس دئیگ ئَ انت۔
