نیویارک۔4جون ( اے پی پی) پاکستان ئُُ امریکہ ئَ کار ئُُ باری زالبول ئُُ زالبول ئِ کار ئُُ بار ئَ دیمروی دئیگ ئِ ھاتر ئَ ایکشن پلان ئِ سرا دستخط کرتگ۔ ایکشن پلان ئِ سرا دستخط دو روچی پاک امریکہ واپاری موہ کانفرنس ئِ موہ ئَ کرت انت۔ زالبول آنی باروا امور ئِ ھاترئَ امریکہ ئِ سفیر عمومی کیتھرین رسل ئُُ پاکستان ئِ ایڈیشنل سیکرٹری واپاینہ اطہر ئَ ایکشن پلان ئِ سرا دستخط کرت انت۔ اے ایکشن پلان ئِ مکسد پاکستانئُُ امریکہ ئِ زالبول کار ئُُ باری مردم آنی نیام ئَ واپاری رابطہ ئَدیمروی دئیگ ئُُ نوکیں اقتصادی موہ پیداک بہ کن انت۔ اے موہ ئَ وزیر واپاری خردم دستگیر خان ، کہ آ کانفرنس ئَ پاکستانی ٹولہ ئِ سروکی کنگ ئَ ات ئُُ امریکہ ئِ نائب وزیر واپاری بروس انڈر یو ہم ھوار ات انت۔بروس انڈر یو ءَ کانفرنس ئَ امریکی ٹولہ ئِ سروکی کرتگ۔ ایکشن پلان 2014ئَ امریکہ ئُُ پاکستان ئِ نیام ئَ مفاہمت ئِ یک کاگد ئِ ردا دیما آتگ انت ئُُ اے مکسد زالبول آنی اقتصادی ھالت ئُُ آھانی اھتر ئَ واپاری ئُُ کار ئُُ باری ترندی ئِ ھاتر ئَ دیمروی انت۔ اے ایکشن پلان ئِ ردا ددوئیں ملک آں کار ئُُ بار کنوک زالبوی نیام ئَ دو نیمگی رابطہ ئَ دیمروی دئیگ بیت۔ دو روچی کانفرنس وتی نوعیت ئِ چارمی ئُُ امریکہ ئَ بوﺅکیں اولی کانفرنس ات۔ ایشی ئَ دیما اے وریں کانفرنس لندن، دو بئی ئُُ اسلام آبادئَ ہم بوتگ انت۔ کانفرنس ئَ 300ئِ نزد صنعت آنی نمائندگی، حکومتی مردم ئُُ زیات بوﺅکیں تتاجر ئُُ سرمایہ کار آں بہر زرت انت۔ کانفرنس مین ہیٹنئَ سٹی کاپ بلڈنگ ئَ بوتگ ۔ پدا یک کانفرنس ئَ تران کنگ ئَ وزیر واپاری خرم دستگیر خان ئَ گشتگ کہ اے کانفرنسپاکستانئُُ امریکہ ئِ برزیں سروک آنی دو نیمگی سیادی ئَ دیمروی دئیگ ئِ ازم ئِ یک درشانی انت۔ یک جست ئِ سرا آئی ئَ گشتگ کہ پاکستان کشت ئُُ کشاری ئِ مشکل ئِ دیمپانی انت ، میاں استمانی منڈی ئَ قیمت جہل بوھگ ئِ وجہءَ پاکستان کشتئُُ کشاری ئَ وتی مصنوعات ئِ قیمت میاں استمانی معیار ئِ ردا آرگ ئَ تاوان بوھگ ئَ انت آئیئَ گشتگ کہ امریکی کمپنی پاکستان ئِ گوں کار ئُُ باری ترندی ئَ دِگہ دیمروی بہ دئینت پرچاکہ پاکستان وتی آباتی ئِ پڑ ئَ دگنیا ئِ ششمی مزنیں مارکیٹ انت ئُُ کل آں چہ وشیں گپ ایش انت کہ ایشی ئِ ورنا آں بہر باز زیات انت۔
