اسلام آباد۔ 15 اگست (اے پی پی) ملک اٹی گدرینگوک آ چار سال اٹی کشاری کڑز آتا بشخ وپانٹ اٹی 80 درسد نا ودکی مسنے۔ اسٹیٹ بینک نا ذرائع نا رداٹ کمرشل بینک آک کشاری بشخ اٹی خودکفالت نا دوئی کن جم اٹنگا کڑز آتیان کشت وکشار کن بشخ وپانٹ کروک آ پیسہ غاتیٹی نمان ودکی مس و کم وود 57 درسد زر ئِ دامسخت کن بزغر آتیٹی بشخ وپانٹ کرینے۔ کشاری پیداوار اٹی ودکی کن چنکا کشارگر آتا پبی است بڈی ئِ کننگک و چنکا و درمیانہ درجہ نا صنعت آتیا اسٹیٹ بینک چکار تخانے تانکہ ملک اٹی روزگار نا وارخواہی ئِ ودفنگ مرے و بزغر آتا زند انا معیار ئِ ہم گچین جوڑ کننگ مرے۔
