اسلام آباد۔30جون (اے پی پی): چیئرمین سینیٹ سید یوسف رضا گیلانی ءَ ملک ءِ جتا جتائیں دمگاں گوستگیں روچاں ھور ءُ زمین چنڈ ءِ سبب ءَ جانی ءُ مال ءِ تاوان ءِ سر ءَ دلپدرد ءُ غم ءِ درشانی کتگ۔ سینیٹ سیکرٹریٹ ءِ رد ءَ چیئرمین سینیٹ ءَ آماچیں کھول ءِ گوما دلپدردی ءِ درشانی کتگ ءُ بیران بوتگیں مردمانی مغفرت ءُ ٹپیگانی زوت جان سلامتی ءِ دعا کتگ۔ سید یوسف رضا گیلانی ءَ گوشت کہ آزمائش ءِ اے ساھت ءَ سرجمیں راج وتی تکلیف مندیں برات ءُ گہار آنی ھمراھی ءَ اوشتاتگ۔ آئی ءَ وفاقی ءُ صوبائی حکومت ءَ چہ ھوار درستیں سیادی داروکیں ادارگ آناں زور پر دات کہ آ آماچیں دمگ آنی تہ ءَ ریلیف ءُ بحالی ءِ کار آناں ترندی ءَ گوں ترند بہ کن اَنت ءُ زدگیں مردم آناں ھرچ وڑیں کمک ءَ بہ کن اَنت۔ آئی ءَ قدرتی آفت آنی گوما جوانیں رنگ ءَ گر ءُ دار ءِ واستہ یک جامع، منظم ءُ یکجاھیں حکمت عملی ءِ جوڑ کنگ ءِ ضلورت ءِ سر ءَ ھم زور پر دات تانکہ آیوکیں وھد ءَ اے وڑیں واکیہ آنی سبب ءَ بوتگیں تاوان کم چہ کم کنگ بہ بنت۔
