اسلام آباد۔13جون (اے پی پی): پاکستان مسلم لیگ ءِ پارلیمانی سروک سینیٹر عرفان صدیقی ءَ ایران ءِ سر ءَ اسرائیل ءِ اُرش ءِ سک باز مذمت کتگ ءُ گوشت کہ اسرائیل ءِ اُرش پچیں ناشرکاری اِنت، میاں اوستمانی براتی ءَ را اے اُرش ءِ سرا چم شانک مہ دیگی اِنت، دگنیا ءِ طاقت آناں امن ءُ ایمنی ءِ ھاترا دوئیں رہبند یلہ بہ کن اَنت کہ آ میان اُستمانی تک ءَ امن ءُ ایمنی ءِ ھاترا دوئیں رہبنداں یلہ بہ کن اَنت۔ تنقید کنان ءَ وت ءَ بری کن اَنت، پی ٹی آئی ءَ آئی ایم ایف ءَ نمدی نبشتہ کتگ ءُ پاکستان ءَ را وام دیگ ءَ چہ بند کتگ۔ جمعہ ءِ روچ ءَ ایوان بالا ءَ آیوکیں مالی سال ءِ بجٹ ءِ ھوالگ ءَ بحث ءِ تہ ءَ بھر زوری کنان ءَ پاکستان مسلم لیگ ءُ سرجمیں راج ایران ءِ الس ءُ سروکی ءَ گوں سرجمیں یکوئی ءِ درشان ءَ کن اَنت۔ آئی ءَ جھان ءِ طاقت آناں زور پر دات کہ آ میاں اوستمانی تک ءَ امن ءُ ایمنی ءِ برجائی ءِ واستہ دو سٹینڈرڈ ءَ چہ یلہ بہ کن اَنت۔ نواز شریف ءِ سروکی ءِ حوالہ ءَ عرفان صدیقی ءَ گشتگ کہ نواز شریف ءَ آئی ایم ایف ءَ چہ الوداع کتگ ءُ پاکستان ءِ تہاری ہلاس کتگ۔ پاکستان تحریک انصاف ءِ سرا ایراد گرگ ءَ آئی ءَ گشتگ کہ مارا سالانی سال ءَ تحریک انصاف ءِ بوتگیں تلخیں فصل ءِ کٹگ لوٹیت۔ سیاسی بے رھبندی ءِ سر ءَ تبصرہ کنان ءَ سینیٹر عرفان صدیقی ءَ گوشت کہ ملک ءَ را یک جہل ءِ تہ ءَ کشگ بوتگ کہ یکے ءَ را دور بہ کنت ءُ دومی ءَ را آرگ بہ بیت۔ ملک کہ حرکت کنگ ءَ ات یک جوانیں ھیال ءُ لیکہ ءِ رد ءَ ھلاس کنگ بوت۔ آئی ءَ توامیں سیاسی قوت آں چہ لوٹ کتگ کہ آ ذاتی مفاد ءَ چہ گیش ملک ءِ مفاد ءِ واستہ پیسلہ بہ کن انت۔ سینیٹر عرفان الحق صدیقی ءَ پاکستان تحریک انصاف ءِ پیسریگیں سرکار ءِ سرا سک باز ایراد گپتگ ءُ گشتگ کہ تحریک ءَ یک دیمروئی کنوکیں ملکے ءَ را معاشی ءُ سیاسی زوال ءِ نیمگ ءَ کش اتگ۔ آئی ءَ گوشت کہ ھما مردم کہ ملک ءَ را استیں بحران آنی تہ ءَ کش اتگ آ نوں ایراد گرگ ءَ چہ وت ءَ را بری کت نہ کن اَنت۔ سینیٹر عرفان صدیقی ءَ گشتگ اے بے روزگاری ءُ مہنگائی یک روچے ءِ تہا بوتگ؟ اے ہمے اپوزیشن ءِ بوہگ ءِ میدان اِنت کہ مرچی ما آئی ءِ تلخیں کٹائی ءَ کٹگ ءَ ایں ۔ مسلم لیگ ن ءِ سرکار ءِ وھد ءَ معیشت گہتری ءِ نیمگ ءَ برگ بوتگ ۔ جی ڈی پی 3.9درسد ءَ چہ 5.9درسد ءَ سر بوتگ، فی کس آمدنی ءَ گیشی بوتگ ءُ افراط زر ءِ سرا کنٹرول دارگ بوتگ۔ برعکس پی ٹی آئی ءَ وتی سئے ءُ نیم سال ءِ اقتدار ءِ تہا معیشت ءَ را بدترین سطح ءَ سر کتگ ءُ قرضہ ءَ را تاریخی سطح ءَ سر کتگ ءُ چار وزیر خزانہ بدل کتگ۔ تحریک انصاف ءَ کدی ہم ہچ وڑیں میگا پروجیکٹ، نوکیں یونیورسٹی یا ڈیم جوڑ نہ کتگ ۔ بس ھالیگیں دعویٰ ءُ الزام جتگ اتنت۔ آہاں اے گپ ءِ سرا ہم اپسوز کتگ کہ پی ٹی آئی ءَ آئی ایم ایف ءَ نمدی نبشتہ کتگ کہ پاکستان ءَ را وام دیگ ءَ چہ بہ رکّینیت کہ اے ہچ وڑیں راج دوست ءِ نا لائک انت۔ سینیٹر عرفان صدیقی ءَ اے گپ ءِ سر ءَ زور پر دات کہ وھدے ملک ءَ را استحکام ءِ ضلورت بوت گڈا تحریک انصاف ءَ آشوب شنگ کت۔ درملک ءَ پاکستانیاں آئی ءِ کال رد کتگ ءُ ریکارڈ 33 ارب ڈالر دیم داتگ۔ آئی ءَ صدر عارف علوی ءُ قاسم سوری ءِ غیر آئینی ءِ ھم مذمت کتگ ءُ گوشت کہ آھانی کار ءَ چہ آئینی روایات ءِ سرا زھر شانی کنگ بوتگ۔ سینیٹر عرفان صدیقی ءَ گشتگ کہ ما کدی اپوزیشن ءَ را دژمن نہ لیک اتگ، ما آہانی تنقید ءَ را شرپدار لیکیں ءُ اے جمہوری رویہ انت۔
