اسلام آباد۔ 03جون (اے پی پی) اینخو نا مالی سال جولائی آن اپریل 2015-16ءنا وخت افراط زرانا کچ اٹی ودکی 2.8درسد سلیس ہرامسکوہی سال ہنداوخت اٹی 4.8درسد ریکارڈ کننگانے۔ پاکستان بیورو برائے شماریات نا حساب وکتاب نا رداٹ غذائی افراط زر داوخت انا وخت 2.1درسد وخت اس کہ غیر غذائی گڑاتا افراط زر اٹی 3.3درسد ریکارڈ کننگا، ہراغذائی گڑاتا نرخ آتیٹی کمتی مس اوفتے ٹی برنج، پیماز، خوایہ، سی و خوردنی تیل اوارے۔ بنداوی افراط زر جولائی آن اپریل 2015-16ءنا نیام اٹ اوسطاََ 4.1درسد ریکارڈ کننگا ہرا مسکوہی سال ہنداوخت اٹی 6.9درسد ئس۔ ہنداوڑ ڈبلیو پی آئی ٹی سالانہ اوسطاََ 1.29درسد کمتی ریکارڈ کننگا ہرا مسکوہی سال 0.03درسد ئس۔ نرخ آتا حساس ٹک جولائی آن اپریل اٹی اوسطاََ 1.8درسد ئس ہراخدوناسال انا ہنداوخت اٹی 2.1درسد ریکارڈ کننگا۔
