اسلام آباد۔ 08مئی (اے پی پی) وزیراعظم محمد شہباز شریف مشکل نا ساہت اٹی پاکستان تون یکجہتی نا درشانی و مخ تفی آ ترک صدر رجب طیب اردوان نا منت واری ءِ ہرفسا پارینے کہ پاکستان سویلی ایشیاٹی امن و بے چیٹی ءِ کم کننگ کن اونا کوشست آتا ستاءِ کیک۔ پنچ شنبے نادے آ ’’ایکس‘‘ آ تینا کلہو اٹی وزیراعظم محمد شہباز شریف پارے کہ اونا ترک صدر رجب طیب اردوان تون فون آ گپ وتران مس ہراٹی او مشکل وخت اٹی پاکستان تون یکجہتی نا درشانی و مخ تفی آ ترکیہ نا منت واری ءِ ہرفے۔ وزیراعظم پارے کہ او تدوک آ دے بھارت نامیزائل جلہو آتا شہید آتیکن ترکیہ نا ایلم تا دعا و نیک است خواہی تا خیرمقدم ءِ کیک۔ محمد شہباز شریف پارے کہ او ترکیہ نا صدر ءِ پاکستان نا سلہہ بند فوج انا کنڈآن دشمن ءِ دلیری و کسبی برتری اتون ورندی تننگ نا بابت معلومدار کرے۔ وزیراعظم پارے کہ نن تینا علاقائی سالمیت و وتواجہی نا ہرقیمت آ رکھ ءِ پک کینہ۔ اوسویلی ایشیاٹی امن و بے چیٹی ٹی کمتی کن ترکیہ نا کوشست آتا ستاءِ کرے۔
