کوئٹہ۔ 29 اپریل (اے پی پی): بلوچستان ءِ گورنر جعفر خان مندوخیل ءَ بیوٹمز یونیورسٹی فورم ءِ موہ ءَ یک روچی سیمینار ءِ بہر زوروکاں گوں تران کنان ءَ گوشت کہ مرچی ءِ وشیں سیمینار وھد ءِ سر ءَ ءُ وش آتکیں گامگیج اِنت۔ تو ورناہاں وھد ءُ پاس ءِ ھساب ءَ وانگ ءُ زانگ ءِ وسیلگ ءَ ایوک ءَ راستیں راہ ءِ سر ءَ رھشونی کت کن ئے۔ بلے ھما مردم کہ وانگ ءُ زانگ ءُ شور ءُ سلاہ دیوک وت ھم ایشی ءِ سر ءَ کار بہ کن اَنت دانکہ آ نوکیں پدریچ ءِ واستہ رول ماڈل جوڑ بہ بنت۔ مئے ورنا نہ ایوک ءَ مئے آیوکیں باندات ءِ آرکیٹیکٹ اَنت بلکیں مئے انوگیں وھد ءِ شریک ھم اَنت۔ اے موہ ءِ سرءَ بیوٹمز یونیورسٹی ءِ وائس چانسلر پروفیسر ڈاکٹر خالد حفیظ، اسلامک ریسرچ انسٹیٹیوٹ اسلام آباد ڈائریکٹر جنرل ڈاکٹر ضیاء الحق اور پرو وائس چانسلر ڈاکٹر میروائس کاسی ھم ساڑی اَت۔ یک روچی دیوان ءِ بھر زوروکاں گوں تران کنان ءَ گورنر بلوچستان جعفر خان مندوخیل ءَ گوشت کہ انٹرنیشنل اسلامی یونیورسٹی اسلام آباد ءُ اسلامی ریسرچ انسٹی ٹیوٹ ءِ کمک ءَ برجم داشتگیں دیوان ءِ زوت جوانیں آسراتی رس ایت کہ ملک ءُ صوبہ ءَ را یکوئی ءُ دائمی امن ءِ نزیک ءَ برگ بیت۔ پاکستان ءِ مستریں مڈی مئے ورنا انت۔ اے وھد ءَ مارا انتہا پسندی، زوراکی، فرقہ وارانہ ءُ نفرت ءِ چیلنجاں گوں دیم پہ دیم بوھگی اِنت۔ راجی یکوئی ءُ فکری ہم آہنگی ءِ دیمروئی ءَ چہ ما وتی راج ءِ راستیں توانائی ءَ پچ کت کنیں۔ گورنر مندوخیلا ءَ گوشت کہ ما شُمارا شگر ءُ منت وار ایں کہ شما پاکستان ءَ پائیدار امن ءُ ورنا آنی دیمروئی ءَ را اولیت داتگ۔ زانگ بہ بیت کہ مئے ورنا ایوک ءَ مئے آیوکیں باندات ءِ آرکیٹیکٹ نہ اَنت بلکیں مئے انوگیں وھد ءِ شریک ھم اَنت۔ ما باید انت کہ آہانی پوشیدہ استعداداں چہ ملک ءِ دیمروئی ءُ پیشرفت ءِ ھاتر ءَ کارمرز کنگ ءِ موہ ءُ المی آسراتی ءِ پجارینگ بہ بیت۔ آئی ءَ گوشت کہ ما درست یکجائی ءَ پاکستان ءِ آئین ءُ جمہوری رھبندانی رھشونی ءَ گیش مھکم، مھکم ءُ دیمروئی کتگیں پاکستان ءِ جوڑ کنگ ءِ واستہ کار بہ کن ایں ۔ تپاکی ءِ سبباں ھلاس کنگ ءُ راجی تپاکی ءِ دیمروئی ءَ چہ ما دیمروئی ءُ وشھالی ءِ نوکیں بُن ھشت ایر کن ایں ۔ گڈسرا گورنر بلوچستان ءَ گشتگ کہ وھد اتکگ کہ ما بے شرمی ءَ وتی مزنیں رہشونانی واباں پیلو بہ کنیں ءُ پاکستان ءَ دیمروئی، امن ءُ ایمنی ءُ وشحالی ءِ نوکیں بالاداں سر کنئیں۔
