اسلام آباد۔ 08 اپریل (اے پی پی) آئی سی سی ویمنز ورلڈ کپ کوالیفائر2025ایونٹ (پگہ) چارشنبے نادے 19 اپریل اسکان پاکستان اٹی مریک۔ پاکستانی ویمن ٹیم آئرلینڈ ویمن نا برخلاف 9اپریل آ بنائی میچ آن مہم نا بناءِ کیک۔ آئی سی سی ویمنز ورلڈ کپ کوالیفائرٹورنامنٹ نا ٹاپ اِرا ٹیم بھارت اٹی شیڈول ورلڈ کپ اٹی جاگہ جوڑ کننگ نا اعزاز دوئی کیک۔ انٹرنیشنل کرکٹ کونسل (آئی سی سی) نا رداٹ شیڈول نا رداٹ ویمنز ورلڈ کپ کوالیفائر2025ٹورنامنٹ 9اپریل آن 19 اپریل اسکان پاکستان اٹی مریک ہراٹی 6 ٹیم ایکشن اٹ خننگور، ایونٹ اٹی شریک ٹیم تیٹی مہماندار پاکستان، ویسٹ انڈیز، آئرلینڈ، سکاٹ لینڈ، تھائی لینڈ و بنگلہ دیش اوار ءُ۔ پاکستانی ویمن ٹیم ایونٹ اٹی 9اپریل آ اولیکو میچ اٹی آئرلینڈ، 11اپریل آ ارٹ میکو میچ اٹی سکاٹ لینڈ، 14 اپریل آ مسٹ میکو میچ اٹی ویسٹ انڈیز 17اپریل آ چارمیکو میچ اٹی تھائی لینڈ وخت ا س کہ 19اپریل آ پنچ میکو و آخیریکو میچ اٹی بنگلہ دیش تون مون پہ مون مریک۔
