ملکی دیمپانی ئَ را مھکم کنگ ئِ واستہ اِچ چک ئُُ پد نہ بیت
ہیوی انڈسٹریز ٹیکسلا ئِ ملکی روایتی دیمپانی ئِ اِزم ئِ برجائی ئِ ھاترا راجدپتریں کرد بوتگ، ھُشکی اُرد ئِ سروک جنرل قمر جاوید باجوہ ئِ ہیوی انڈسٹریز ٹیکسلا ئِ تر ئُُ تاب ئِ موہ ئَ گشتانک
راولپنڈی ۔ 19 جولائی (اے پی پی) ھُشکی اُرد ئِ سروک جنرل قمر جاوید باجوہ ئَ ہیوی انڈسٹریز ٹیکسلاءِ جوانیں پیداوار ئِ ھاترا کرد ئُُ جزم ئَ را ساڑھان ئَ گوشت کہ ہیوی انڈسٹریز ٹیکسلا ئَ ملکی روایتی دیمپانی اِزم ئِ برجائی ئِ ھاترا راجدپتر ئِ کرد بوتگ، ملکی دیمپانی ئَ را مھکم کنگ ئِ ھاترا اِچ چک ئُُ پد نہ بیت۔ آ چار شمبے ئِ روچ ئَ ہیوی انڈسٹریز ٹیکسلا ئِ تر ئُُ ت ان ئِ ساھت ئَ گشتانک دیان اَت۔ پاک اُرد ئِ شوبگ (آئی ایس پی آر) رد ئَ ھُشکی اُرد ئِ سروک جنرل قمر جاوید باجوہ ئَ ہیوی انڈسٹرییز ٹیکسلا ئِ تر ئُُ تاب کت آھودا آئی ئَ دیمپانی پیداوار آنی رد ئَ جاڑی ئُُ باندات ئِ منصوبگ آنی ھوالگ ئَ بریفنگ دیگ بوت۔ بری اُرد ئِ سروک جنرل قمر جاوید باجوہ ئَ ہیوی انڈسٹریز ٹیکسلا ئِ جوانیں پیداوار ئِ ھاترا کرد ئُُ جزم ئَ را ساڑات۔ آئی ئَ چیئرمین ایچ آئی ٹی ئَ را منصوبگ آناں وھد ئُُ پاس ئِ سر ئَ سرجم کنگ ئِ پنت ئُُ شون دات ئُُ اے رد ئَ ھمک رنگ ئِ کمک کنگ ئِ دل یکیمی دات۔ ھُشکی اُرد ئِ سروک جنرل قمر جاوید باجواہ ئَ ایچ آئی ٹی ئِ بازیں شوبگ آنی تر ئُُ تاب کت۔ جنرل قمر جاوید باجوہ ایچ آئی ٹی ئَ سر بوت گڈا چیئرمین ایچ آئی ٹی لیفٹیننٹ جنرل نعیم اشرف، سیکرٹری دیمپانی پیداوار لیفٹیننٹ جنرل (ر) محمد اعجاز چوہدری ئَ آواناں وش اتک کت۔
