اسلام آباد۔ 19 جولائی (اے پی پی)مشیر ئِ درئی کار سرتاج عزیز ئَ گوشت کہ پاکستان مسلئہ ئِ کشمیر ئِ بابت ئَ جوانیں بنگپ ئِ سر ئَ برجا اِنت ئُُ کشمیری اُلس ئِ جائزیں آجوئی چست ئُُ ایر ئِ کمک ئَ جاڑی دار ایت، جموں کشمیر پاکستان ئُُ بھارت ئِ نیام ئَ بنیاتی اڑ ئُُ کڈ اِنت ءُ زرباری ایشیا ئَ مھکمیں ایمنی ئِ ھاترا ایشی ئِ گیواری المی اِنت۔ اے گپ آئی ئَ آل پارٹیز حریت کانفرنس ئِ نو کسی ٹولہ ئَ گوں گپ ئُُ تران کنان ات ایشاں چار شمبے ئِ روچ ئَ ادا آئی ئَ گوں گند ئُُ نند کتگ اَت۔ سرتاج عزیز ئَ گوشت کہ مقبوضہ کشمیر ئِ مردم وت آجوئی ئِ ھاترا بھارتی فورسز ئِ ھلاپ ئَ جوانی ئَ جائزیں رنگے ئَ دیمپانی ئَ کنگ ئَ اَنت۔ ایشانی سک باز کربانی انت ایشاں ما سلام پیش کن آں۔ مشیر ئِ درئی کار ءَ اے جزم ئِ درشان کت کہ حکومت ئُُ پاکستانی اُلس کشمیر ئِ سیاسی ، سفارتی ئُُ اخلاقی کمک ئَ جاڑی دار اَنت۔پاکستان وتی کوھنیں بنگپ ئِ سر ئَ برجا اِنت۔ مشیر ئِ درئی کار ئَ گوشت کہ میاں اوستمانی برات کشمیری آنی ھک ئِ ھاترا ئُُ ناشرکاری ئِ کیاس ئِ تہئَ بھارتی بنگپ ئُُ لیکہ آناں ایراد ئِ گپتگ۔ کشمیری ٹولہ ئَ مشیر ئِ درئی کار سرتاج عزیز ئَ مقبوضہ کشمیر ئَ بنی آدم آنی ھک ئِ جاور ھال ئِ بابت ئَ بریف ئُُ بھارتی فورسز ئِ نیمگ ئَ کشمیری آنی چُک چینی ئِ پالیشی ئِ سر ئَ وتی لیکہ ئِ درشان کتگ۔
