ماسکو۔ 15جولائی (اے پی پی) روس انا پاننگ ئِ کہ امریکہ ٹی روس انا سفارتی ماڑی تا کوزہ روسی حکومت نا حوالہ کننگ نا چرجوئی ٹی امریکی انتظامیہ نا کنڈآن ہرشرط جہانی کانود نا خلاف ورزی ئِ۔ جہانی ذرائع ابلاغ نا رداٹ گدرینگوک آ سال دسمبر اٹی صدر باراک اوباما اِرا روسی سفارتی بنجاتے بند کننگ آن بیدس 35روسی شاری تے ملک بدر کننگ نا حکم آتے ہم جاری کریسس۔ ماسکو ٹی کریملن نا ترجمان دیمتری پیسکوف پارے کہ داماڑی تا واپسی کن ہچ وڑنا بایدے شرط اس تخنگپ۔
