اسلام آباد۔24دسمبر (اے پی پی): وفاقی تہی کارانی وزیر محسن نقوی ءَ گشتگ کہ جناح ایونیو انڈر پاس ءِ 9می سیکشن ءِ سرجمی ءَ پد 42روچ ءِ ریکارڈ وھد ءَ جناح ایونیو انڈر پاس ٹریفک ءِ واستہ پچ کنگ بیت۔ مزن وزیر شہباز شریف ءِ ہدایت ءِ سرا اسلام آباد ءَ دو فائیو اسٹار ہوٹل ءِ نوک جوڑ کنگ بوہگ ءَ انت۔ آئی ءَ سئے شمبے ءِ روچ ءَ انڈر پاس ءَ جناح ایونیو ایف ءِ بنگیج ءِ مراگش ءَ گوں تران کنان ءَ مزن وزیر ءَ اے منصوبگ ءِ باقاعدہ بنگیج کت۔ وزیر توکی کار ءَ گوشت کہ منصوبگ ءِ بُن ھشت 5نومبر ءَ مزن وزیر شہباز شریف ءَ ایر کتگ ات، مرچی ما 42روچ ءَ پد انڈر پاس ءِ بنگیج کنگ ءَ آں۔ آئی ءَ گوشت کہ وفاقی دارالحکومت ءَ را سبز ءُ سبز کنگ ءِ واستہ ما اسلام آباد ءَ نرسری جوڑ کنگ ءِ پیسلہ کتگ ایشی ءِ تہ ءَ نوکیں پودگ آنی کشت ءُ کشار کنگ ءِ واستہ پاس ایر کنگ بوتگیں وھد ءُ پاس ءِ تہ ءَ سرجم کنگ بیت۔ آئی ءَ ھواریں مردماں گوشت کہ سی ڈی اے ءَ شپ ءُ روچ کار کنگ ءَ 18کلاک ءِ تہ ءَ انڈر پاس سرجم کتگ۔ اے موہ ءِ سر ءَ چیئرمین شپ سی ڈی اے محمد علی رندھوا ءَ مزن وزیر ءَ را بریفنگ دیگ ءِ ساھت ءَ گوشت کہ منصوبگ ممبئی ءُ سکرتی ءَ سرجم کنگ بیت۔
