اسلام آباد۔24دسمبر (اے پی پی): راجی خوراک ءِ سلامتی ءُ ریالائزیشن ءِ بنجاھی وزیر رانا تنویر حسن ءَ گوشت کہ مشتم ءَ را لائیو سٹاک ءِ شوبگ ءَ را دیمروئی دیگ ءَ چہ مھکم کنگ بیت، جانور آنی نسل کشی ءُ نادراھی آنی گر ءُ دار ءِ واستہ بنجاھی تک ءَ لائیو سٹاک ءِ شوبگ ءَ را کانود سازی ءِ ضلورت اِنت۔ “یک سد نقطہ نظر” بل ءِ وسیلگ ءَ یکجا کنگ بوت کنت۔ آئی ءَ اے جیڈھ آنی درشانی سئے شمبے ءِ روچ ءَ اینیمل ویئرز فورم ءِ مراگش ءَ بھر زوری ءِ موہ ءَ کت آئی ءَ گوشت کہ اے مراگش جانور آنی نسل کشی، جان سلامتی ءُ وشھالی ءِ دیمروئی ءِ ھاترا یک ھاسیں گامگیج اِنت، پاکستان ءِ کشت ءُ کشاری معیشت ءِ بھر ءُ بانگ اِنت۔ 14.63درسد ءِ سرا بوتگ وھدے کہ زرعی جی ڈی پی ءِ تہا لائیو اسٹاک ءِ شعبہ ءِ بہر 60.84درسد انت۔ آئی ءَ گوشت کہ اے شوبگ ءَ چہ دیہی دمگ آنی تہ ءَ لاکھوں مردم آناں روزگار رس ایت، نیشنل اینیمل ہیلتھ کیئر ءُ ویٹرنری پبلک ہیلتھ بل 2024 ءَ را بنجاھی حکومت ءِ نیمگ ءَ منظور کنگ بیت، ایشی ءَ چہ لائیو سٹاک ءِ شوبگ ءِ دیمروئی ءُ گہتری ءِ سر ءَ جوانیں اثرات کپ ایت۔ اے شعبہ نوکیں لوٹانی رد ءَ وتی رد ءَ بدل کنگ ءِ اہل بیت۔ آئی ءَ گوشت کہ پاکستان ءَ جانور آنی جان سلامتی ءُ گہبود ءِ واستہ بنجاھی کانود ءِ سک باز ضلورت انت۔ آئی ءَ گوشت کہ جانور آنی جان سلامتی ءِ بل ءِ وسیلگ ءَ ھمگرنچ کنگ بیت پاکستان ءِ مول ءُ مراد صوبائی کمک ءُ میاں اوستمانی کمک ءِ گوما حلال گوشت ءِ برآمدات ءَ را گیش کنگ اِنت۔ بل ءِ منظوری ءِ ھاتر ءَ صوبائی اسمبلی آنی نیمگ ءَ چہ حمایت کنگ بہ بیت۔ آئی ءَ گوشت کہ پاکستان ءَ ویٹرنری سروسز ءِ واستہ ھچ وڑیں سرجمیں کانود سازی نیست، پاکستان ءِ لائیو اسٹاک سیکٹر ءَ را مھکم کنگ ءَ چہ وشھالی ءَ را دیم ءَ برگ بوت کنت۔
