اسپیکر، قومی اسمبلی ءِ عیسائی کمیونٹی ءَ را مبارک بات، ملک ءِ دیمروئی ءُ وشحالی ءِ تہا آہانی کرد ستا کرز انت، سردار ایاز صادق

اسلام آباد۔24دسمبر  (اے پی پی): راجی اسمبلی ءِ اسپیکر سردار ایاز صادق ءَ کرسمس ءِ موہ ءَ عیسائی کمیونٹی ءَ را دل ءِ جہلانکی ءَ چہ سلام ءِ درشانی کتگ۔ آئی ءَ گوشت کہ عیسیٰ گچین بوتگیں نبی اِنت، آئی ءِ سالروچ مئے درست آنی واستہ وشھالی ءِ وسیلگ اِنت۔ آئی ءَ گوشت کہ عیسیٰ ءَ امن، رواداری، برات ءُ انسانیت ءِ ھزمت ءِ درس داتگ ءُ ملک ءِ دیمروئی ءُ وشھالی ءِ تہ ءَ عیسائی کمیونٹی ءِ کرد ءِ ساڑاتگ ءَ گوشت کہ عیسائی کمیونٹی ءَ زندمان ءِ ھمک تک ءُ پہنات ءَ ھاسیں رنگ ءَ وانگ ءُ زانگ ءِ تہ ءَ وتی کرد پیلو کتگ۔ ءُ جان سلامتی ءِ ھاتر ءَ من ارزشت داریں ھزمت کتگ۔ آئی ءَ گوشت کہ عیسائی کمیونٹی پاکستان ءِ جتائیں چاگرد ءِ یک ھاسیں بھرے ءُ ملک ءِ دیمروئی ءِ تہ ءَ آھانی کرد ستا کرزیں انت استحکام ءِ واستہ المی انت۔ آئی ءَ گیش گوشت کہ ما عیسیٰ ءِ تعلیمات ءِ رندگیری ءَ چہ بین مذہب ھمگرنچی ءَ را دیم ءَ برگ ءَ ایں ۔ اسپیکر سردار ایاز صادق ءَ گوشت کہ پاکستان ءِ آئین ءَ رنگ، ذات ءُ مذھب ءِ پرک ءُ پرس ءَ ابید ھمک شہری آنی ھک آنی رکھینگ ءِ ضمانت داتگ ءُ آھاں وتی عقیدہ ءُ دود ءُ ربیدگ آنی رد ءَ زند گوازینگ ءِ آجوئی داتگ۔ آئی ءَ گوشت کہ پارلیمنٹ توامیں شہری آنی ھک آنی رکھینگ ءُ موثر کانود سازی ءِ وسیلگ ءَ زند ءِ توامیں تک آنی تہ ءَ یک وڑیں موہ پجارینگ ءِ واستہ جزم اِنت راجی اسمبلی ءِ نائب اسپیکر سید میر غلام مصطفیٰ شاہ ءَ ھم عیسائی کمیونٹی ءَ را کرسمس ءِ روچ ءَ مبارکی دات۔ آئی ءَ گوشت کہ پارلیمنٹ اقلیت آنی ھک آنی رکھینگ ءُ آوانی وشھالی ءِ واستہ موثر کانود جوڑ کنگ ءِ سر ءَ مھکمیں جزم اِنت۔ آئی ءَ گوشت کہ ھمک مذھب ءَ گوں سیادی داروکیں شہری ملک ءِ دیمروئی ءِ واستہ ستا کرزیں کرد پیلو کنگ ءَ انت۔ آئی ءَ گوشت کہ راج ءِ پِت قائداعظم محمد علی جناح ءِ وژن ءِ رد ءَ پاکستان ءَ ھمک مذھب ءِ منوگر آناں وتی دود ءُ ربیدگ ءُ عقیدہ آنی رد ءَ زند گوازینگ ءِ سرجمیں آجوئی است انت۔