اسلام آباد۔23دسمبر (اے پی پی): مزن وزیر محمد شہباز شریف ءَ دوشمبے ءِ روچ ءَ صدر ءِ گس ءَ صدر آصف علی زرداری ءَ گوں گند ءُُ نند کتگ ایشی ءِ تہ ءَ ملک ءِ سرجمیں سیاسی، معاشی ءُُ ایمنی ءِ جاور ھال آنی سر ءَ گپ ءُُ تران کنگ بوتگ آئی ءَ 2018 ءِ واستہ یکجائی ءَ دیم ءَ روگ ءِ جزم ءِ یک رندے پدا گشتگ۔ توسعه ملک ءِ سرا . صدارت ءِ پریس ونگ ءِ رد ءَ نائب مزن وزیر / دری کارانی وزیر سینیٹر محمد اسحاق دار، وفاقی وزیر تہی کار سید محسن رضا نقوی، گورنر خیبر پختونخوا فیصل کریم کندی، پیسریگیں مزن وزیر راجہ پرویز اشرف ءُ راجی اسمبلی ءِ باسک سید نوید قمر ھوار بوتگ اَنت۔ گند ءُُ نند ءَ مزن وزیر شہباز شریف ءَ صدر آصف علی زرداری ءِ جان سلامتی ءِ واستہ نیکیں واھگ آنی درشان کت گند ءُُ نند ءِ ساھت ءَ صدر ءُُ مزن وزیر ءَ پارلیمنٹ ءَ کانود ءِ جیڈھ آنی سر ءَ ھم ھیال ریچی کت۔ صدر ءِ مملکت ءَ مزن وزیر ءَ را ملک ءِ دیمروئی ءُُ برجائی ءِ واستہ کمک ءِ دل یکیمی دات۔
