یروشلم۔ 12جولائی (اے پی پی) اقوام متحدہ وارننگ تسنے کہ فلسطین نا شار زیر محاصرہ غزہ 2020 ءٹی اسہ ناقابل ئُ ہنکین ہند اسے نا دروشم ئِ اختیار کیک۔ غزہ نا اسرائیلی محاصرہ ٹی بننگ نا 10می سال انا مناسبت آن اقوام متحدہ نا فلسطینی ٹیم انا کنڈآن تیار کروک خصوصی رپورٹ علاقہ نا معاشی حالیت و آخبت نا اندازہ غاتے پیش کرینے۔ رپورٹ اٹی پاننگانے کہ علاقہ ٹی حیاتی شرائط اندازہ غاتیان بھاز زیات ترندی اتون خراب مننگ ئُ و اگہ رکھی تدابیر اس اختیار کننگ تو تو 2020 ٹی غزہ نا صاف دیر انا اسٹ انگا ذریعہ ہم چٹک۔ رپورٹ نا رداٹ ساڑی آ دے تیٹی توانائی نا ویل آتیٹی صفا ئُ ودکی اس مسنے و علاقہ نا پوسکن جوڑ جاڑ کن المی گڑاتا داخلہ ئِ سنجیدہ کہول آ کچ اٹ تخنگانے۔ رپورٹ اٹی اسرائیل، فلسطین انتظامیہ ، حماس و بین الاقوامی برادری آن المی گام گیج کننگ نا خواست کننگانے۔
