راولپنڈی۔27نومبر (اے پی پی): چین ءِ مرکزی فوجی کمیشن ءِ نائب چیئرمین جنرل ژانگ یوشیاء ءَ مزنیں تک ءِ ڈل ءِ گوما جنرل ہیڈ کوارٹر ءِ تر ءُ تاب کت۔ سید عاصم منیر ءِ گوما گند ءُ نند ءَ پد ڈلانی تک ءَ گپ ءُ تران کنگ بوت۔ آئی ایس پی آر ءِ رد ءَ اے گند ءُ نند آنی تہ ءَ وت مہ وتی ءِ جیڈھ، دمگی سیکورٹی ءِ جاور ھال، دمگ ءِ تہ ءَ استحکام ءِ گامگیج ءُ دو نیمگی دفاعی کمک ءِ دیمروئی ءِ سر ءَ گپ ءُ تران کنگ بوتگ۔ آرمی چیف جنرل عاصم منیر ءَ پاکستان ءُ چین ءِ نیام ءَ برجمیں دوستی ءِ سیادی ءِ سر ءَ زور پر دات ءُ گوشت کہ اے سیادی وت مہ وتی بھروسہ ءُ کمک ءِ بنیات ءَ اَنت۔ آئی ءَ اے راجدپتری شریکداری ءَ را وھد ءِ چکاس ءَ اوشتاتگیں لیک ات ءُ گیش گہتری ءِ امیت کت۔ آرمی چیف ءَ چین ءِ سروکی ءِ شگر ءُ منت گپت کہ آ میاں اوستمانی ءُ دمگی جاور ھالانی بدل بوھگ ءَ پد ھم پاکستان ءِ گوما مھکمیں اوشتاتگ انت۔ جنرل ژانگ یوشیاء ءَ پاکستان ءِ گوما وتی اسٹریٹجک شراکت داری ءِ برجاھیں عزم ءِ سک باز ساڑات۔ آئی ءَ ناشرکاری ءِ ھلاپ ءَ پاکستانی اُرد ءِ پیشہ وارانہ ءُ جزم ءِ توسیپ کت ءُ اے دیریں سیادی ءَ را گیش مھکم کنگ ءِ جزم ءِ پدا پدر کت ایشی ءَ چہ پیسر جنرل جی ایچ کیو ءَ سر بوھگ ءَ پد جنرل ژانگ یوشیاء ءَ شہید آنی یادگار ءِ سر ءَ گلدستہ ایر کت ءُ شھید آنی یادگار ءَ را خراج تحسین پیش کت۔ پاکستان ءِ 33 شھید۔ آئی ءَ را پاکستانی لشکر ءِ یک جوانیں سلاہ بندیں لشکر ءِ نیمگ ءَ گارڈ آف آنر ھم پیش کنگ بوتگ ۔
