بیپاری ءِ بنجاہی وزیر جام کمال خان ءِ  اثرمندیں پالیسی، خیبر پختونخوا ءِ دمگ ءَ چہ  کُنَر ءِ  بینگ ءِ اولی کھیپ ملائیشیا ءَرا د  برآمد کنگ بوتگ

اسلام آباد۔6نومبر  (اے پی پی): بیپاری ءِ بنجاہی وزیر جام کمال خان ءِ اثرمندیں بیپاری پالیسی ءِ نتیجگءَ خیبر پختونخوا ءِ دمگ ترناب ءَ چہ کُنَر ءِ بینگءِ اولی کھیپ ملائیشیا ءَ را برآمد کنگ بوتگ۔ بیپاری ءِ وزیر جام کمال خان ءَ بیپاری ءَرا دیمروئی دئیگءِ وژن ءَ را دیما برگءِ ھاترءَ گامگیج چست کتگ ، کہ آئی ءَ پاکستان ءَرا میاں اوستمانی تکءَ   نامدار کتگءُ ارزشت داتگ۔ کوالالمپورءَ پاکستان ءِ ہائی کمیشن ءَ بیپاری مشن ءَ بنجاہی وزیرءِ پنتءُ شون  ءِ سرءَ کار کتگءُ ملائیشین کمپنی ءُ پاکستانی پروڈیوسرآنی نیامءَ نزیکی آناں ارزان کنگءَ حاسیں کرد پیلو کتگ۔  بیپاری سیادی ءَ را گیش کنگءِ ھاترءَ جام کمال خان ءِ جزم ءَ مزنیں معیار ءِ کُنَرءِ بینگ ءِ  اے بنداتی برآمد ء ِ کِشکءَرا تچک کنت  ، کہ اے پہ پاکستان ءِ  کِشتءُ کشاری  آسراتیاناں گیش   کنت ءُ  ملائیشیا ءِ گوما دونیمگی  سیادی ءَ راہم محکم کنت۔ کوالالمپور ءَ ہائی کمیشن ءِ  عہدگ داراں بیپاری ءِ وزیر ءِ اسٹریٹجک راہشونی ءَ را ساڑاتگءُ اے گپ ءِ سرءَ زور پِر داتگ کہ آئی ءِ پالیسی ءُ بیپاری مشن ءِ نیمگءَ چہ ہمراہ داری  اے سوبمند ی ءِ تہا بنجاہی ارزشت داریت۔