مزن وزیر محمد شہباز شریف گلگت بلتستان ءِ تر ءُ تاب  ءِ ھاترا روادگ بوتگ

اسلام آباد۔6نومبر  (اے پی پی):مزن وزیر محمد شہباز شریف مرچی (چار شمبے) گلگت بلتستان ءِ تر ءُ تاب ءَ  روادگ بوتگ۔ مزن وزیر کارگس ءِ نیمگ ءَ چہ جاڑی بوتگیں پریس  ریلیز ءِ رد ءَ مزن وزیر گلگت ءِ ضلع غذر ءِ ببر گاؤں  ءَ 2022 ءَ سیلاب ءَ چہ تباہ بوتگیں لوگ آنی جاہ ءَ آماچیں  مردم آنی واستہ ھاسیں رنگ ءَ جوڑ کتگیں نوکیں لوگ آناں بنگیج کنت۔ ایشی ءَ ابید مزن وزیر گلگت ءَ بازیں دیمروئی منصوبگ آنی بنگیج ءَ کنت ھاسیں رنگ ءَ نلتر ایکسپریس وے، ہنزا ءَ گریٹر واٹر سپلائی، عطا آباد ءَ 54 میگاواٹ ہائیڈرو پاور پلانٹ ءُ  دگہ دیمروئی منصوبگ آنی بنگیج ءَ کنت۔