پاکستان ءُ ایران ءَ میاں اوستمانی تک ءَ اسرائیل ءِ فوجی زوراکی ءُ بے گناہیں شہری نسل کشی ءِ مذمت کتگ، اسرائیل ءِ ناجائزیں کار میاں اوستمانی تک ءَ تناؤ ءِ بُن انت، نائب مزن وزیر اسحاق ڈار  ءَ گوں ایران ءِ دری کارانی وزیر ءَ یکجائی پریس کانفرنس

اسلام آباد۔5نومبر  (اے پی پی):پاکستان ءُ ایران ءَ میاں اوستمانی تک ءَ اسرائیل ءِ فوجی زوراکی ءُ بے گناہیں شہری آنی نسل کشی ءِ مذمت کتگ ءُ اسرائیل ءِ سرکار ءِ سر ءَ میاں اوستمانی کانود ءُ اقوام متحدہ ءِ منشور ءِ ھلاپ ورزی ءِ الزام جتگ آئی ءَ میاں اوستمانی براتی ءِ ناکامی ءِ سر ءَ جُست ءُ پُرس کتگ۔ ایشی ئا بند کن نائب مزن وزیر ءُ دری کارانی وزیر سینیٹر محمد اسحاق ڈار ءُ ایران ءِ دری کارانی وزیر سید عباس اراقچی ءَ سئے شمبے ءِ روچ ءَ ادا گند ءُ نند ءَ پد یکجائی پریس کانفرنس ءَ گوں تران کنان ءَ گوشت کہ مقبوضہ دمگ آنی تہ ءَ اسرائیل ءِ ناجائزیں کارروائی میاں اوستمانی تک ءَ کش ءُ چیل ءِ بُن اِنت It is International یک خلاف ورزی یے چہ قانون، میان استمانی انسانی قانون ءُ اقوام متحدہ ءِ منشور ءَ۔ ایشی ءَ چہ پیسر آہاں میاں اوستمانی بحران، وت واجہی ءِ حق ءَ چہ انکار کنگ ءُ    میاں اوستمانی کانود ءِ برجائی ءُ    احتساب ءِ دیمروئی ءِ ضلورت ءِ سر ءَ دلگوشی دیگ ءَ ھوار استیں جھان ءِ جاور ھال ءُ    دیمروئی آنی سر ءَ تران کت۔ نائب مزن وزیر اسحاق ڈار ءَ یکجائی کانفرنس ءِ تہ ءَ گوشت کہ فریق آنی نیمگ ءَ فلسطینی راج ءِ وت واجھی ءِ ھک ءِ حاصل کنگ ءِ واستہ ترندیں جنگ بندی، کشیدگی آنی تہ ءَ کمی ءُ    گپ ءُ    تران ءِ ضلورت ءِ سر ءَ زور پر دیگ بوتگ۔ آئی ءَ پاکستان ءِ نیمگ ءَ ایران ءِ سر ءَ اسرائیل ءِ جنگی اُرشانی وھد ءُ پاس ءِ سر ءَ ءُ مھکمیں مذمت ءِ ذکر کت ءُ گوشت کہ اے اُرش ایران ءِ وت واجہی ءِ مزنیں لگتمالی اَنت۔ نائب مزن وزیر ءَ 1967ءَ چہ پیسر ءِ سیمسر آنی بنیات ءَ القدس الشریف ءِ ڈار الحکومت ءِ رد ءَ فلسطین ءِ یک زندگ ڈار وکیں، آجو ءُ    نزیکیں ریاست ءِ جوڑ کنگ ءِ لوٹ ءِ یک رندے پدر کت۔ ما قبضہ گیریں قوتانی اے تب ءَ رد کنیں کہ آ وت واجہی ءِ حق ءَ گوں ناشرکاری ءَ برابر کن اَنت کہ اے وتی قبضہ ءُ اپارتائیڈ ءِ پالیسیانی دراج کنگ ءِ چال ءَ ابید دگہ ہچ نہ اِنت۔ نائب مزن وزیر ءَ گوشت کہ فلسطین ءِ دیریں جیڈھ ءُ جموں ءُ کشمیر ءِ جیڈھ وت واجئی ءِ ھک ءَ چہ انداز کنگ ءِ بنیات ءَ اِنت ءُ اے جیڈھ آماچیں مردم آنی ھک ءُ واھشت آنی سرجمیں احترام ءَ گوں ایمنی رنگ ءَ گیش ءُ گیوار کنگ بہ بنت۔ آبادی ءِ رد ءَ اقوام متحدہ ءِ قرارداد ءُ اقوام متحدہ ءِ منشور ءِ رد ءَ گیش ءُ گیوار کنگ بہ بیت۔ آئی ءَ گوشت کہ دوئیں نیمگ ءَ تجارت، توان ءُ    سیم سر ءِ ایمنی ءَ ھوار بازیں کلیدی شوبگ آنی تہ ءَ کمک ءَ را گیش کنگ ءِ راہ ءُ    در آنی سر ءَ ھم ھیال ریچی کنگ بوتگ وھدیکہ سیم سر ءِ بندوبست ءُ    یکجائی چیلنج آناں گیواری ءِ ھوالگ ءَ کمک ءَ را گیش کنگ ءِ سر ءَ تپاک کنگ بوتگ۔ دوئیں دری کارانی وزیر آں اے گپ ءِ سر ءَ زور پر دات کہ ناشرکاری ءُ    انتہا پسندی دمگی امن ءِ واستہ مزنیں ھترہ اَنت ءُ    اے چیلنج آناں ھلاسی ءِ واستہ یکجائی کوشست آناں یکجا کنگ ءِ واھشت ءِ درشان کت۔ نائب مزن وزیر سینیٹر محمد اسحاق ڈار ءَ ایران ءِ دری کارانی وزیر ءِ منت گپت کہ ایران ءَ برکس فورم ءِ تہ ءَ پاکستان ءِ باسک بوھگ ءِ واستہ کمک کتگ ءُ    ایران ءِ مقدسیں ھند آنی تر ءُ    تاب کنوکیں زائرین آناں آسراتی پجاری کتگ۔ دوئیں رہشون جدہ ءَ آیوکیں یکجائی اسلامی سروک دیوان ءَ گند ءُ    نند کن انت ءُ    ہما جیڈھ آنی سر ءَ یکجائی نقطہ نظر ءِ گوما وتی کوشست آناں یکجا کنگ ءِ سر ءَ تپاک کن انت کہ ایشی ءِ واستہ یکجائی سروک دیوان ءِ دعوت دیگ بوتگ۔ ایران ءِ درئی کارانی وزیر سید عباس اراقچی ءَ گشتگ کہ اسرائیل ءِ سرکار ءَ غزہ ءَ مزنیں جرم ءُ نسل کشی ءِ کار کتگ ءُ لبنان ءُ دگہ جاھاں مزنیں کچے ءَ زوراکی برجاہ داشتگ ءُ اے جرم نوں لبنان ءَ سر بوتگ انت۔ آئی ءَ گوشت کہ اسرائیل ءِ حکومت ءَ 26اکتوبر ءَ ایران ءِ سر ءَ اُرش کنان ءَ وتی زوراکی ءُ    زوراکی ءِ گیشیں درشانی کتگ۔اسرائیل ءِ حکومت ءِ برخلاف اسلامی جمہوریہ ایران تناؤ ءَ را گیش کنگ نہ لوٹ ایت، البت ما 2018 ءِ آرٹیکل 51 ءِ رد ءَ وت دفاع ءِ جواز پیش کتگ۔ اقوام متحدہ ءِ منشور ءَ ما وتی حق ءَ ڈار یں ءُ    ما اسرائیل ءِ زوراکی ءَ را وتی ھساب ءَ وھد ءِ سر ءَ یقیںن ءَ پسو دئیں۔ ایران ءِ درئی کارانی وزیر ءَ ایران ءِ سر ءَ صیہونی رژیم ءِ زوراکی ءِ مذمت کنگ ءَ پاکستان ءِ حکومت ءُ    الس ءِ مھکم ءُ    ستا کرزیں موقف ءَ را ساڑات۔ آئی ءَ گوشت کہ پاکستانی واکڈار  ھاسیں رنگ ءَ پاکستان ءِ مزن وزیر ءَ یک مھکمیں ءُ    پدریں پگر ءِ گپتگ ایشی ءِ واستہ ما سک باز منت وار ایں ۔ آئی ءَ گوشت کہ گوستگیں یک سال ءِ تہ ءَ پاکستان ءِ حکومت ءُ    الس ءَ ھم غزہ ءِ الس ءُ    فلسطین ءِ کیس ءِ واستہ مزنیں کمک ءِ درشان کتگ۔ آئی ءَ گوشت کہ بدبھتی ءَ میاں اوستمانی براتی اسرائیل ءِ حکومت ءَ را وتی نسل کشی ءُ    زوراکیں کارروائی آناں چہ رکگ ءَ ناکام بوتگ کہ ایشی ءَ چہ دمگی ءُ    میاں اوستمانی امن ءُ    ایمنی ءَ را ھترہ ءِ دیم ءَ کیت۔ آئی ءَ گوشت کہ فریق آں اقتصادی، تجارت، سیاسی، اکیڈمک، دود ءُ ربیدگی ءُ سیل ءُ سواد ءِ چست ءُ ایراں ھوار توامیں شوبگ آنی تہ ءَ کمک ءَ را مھکم کنگ ءِ واستہ وتی جزم ءِ پدا زور پر دات۔ دوئیں دری کارانی وزیر آں ناشرکاری ءِ پدیدگ ءَ را دوئیں ملک ءُ    سرجمیں دمگ ءِ واستہ یک مشترکہ ھترہ لیک اتگ ءُ    اے رجحان ءَ را دو نیمگی رنگ ءَ دیم پہ دیم بوھگ ءُ    ایشی ءِ ھلاپ ءَ جنگ ءِ واستہ وتی عزم ءِ پدا زور داتگ۔ درئی کارانی وزیر سید عباس اراقچی ءَ نائب مزن وزیر ءُ درئی کارانی وزیر سینیٹر محمد اسحاق ڈار ءَ را ایران ءِ سرکاری تر ءُ تاب ءِ واستہ ءُ تہران ءَ ایکو ءِ وزیرانی دیوان ءَ بھر زوری ءِ واستہ ھم دعوت داتگ۔