بنجاھی  کابینہ ءِ دیوان، حج پالیسی 2025، جموں ءُ کشمیر ءِ ریاستی جائیداد ءِ بجٹ، جہاز آنی درجہ بندی ءِ سرٹیفیکیشن ءِ سر ءَ منوگری  ءِ منظوری

اسلام آباد۔5نومبر  (اے پی پی):مزن وزیر گس اسلام آباد ءَ بنجاھی  کابینہ ءَ حج پالیسی 2025 ءِ منظوری داتگ۔ گند ءُ  نند ءِ تہا بنجاھی  کابینہ ءَ را گوشگ بوت کہ سال 2025 ءَ پاکستان ءِ حج کوٹہ 210،179 بیت کہ پاکستان ءِ حکومت ءُ  نجی شعبہ ءِ نیام ءَ 50:50 ءِ تناسب ءَ بہر کنگ بیت۔ حج ءِ پالیسی ءِ رد ءَ اے سال ءَ 12 سال ءَ کم عمریں زھگاں پہ حج ءَ روگ ءِ اجازت نہ بیت۔ سرکاری کوٹہ ءِ ھوالگ ءَ کمپیوٹر بیلٹنگ کنگ بیت۔ 1000 پہ مشکلات ءِ کیساں ریزرو کنگ بیت۔ 300 نشست کارگر یا کم آمدنی ءِ کارمند آنی واستہ ٹھینگ بوتگ کہ آ کارگر آنی رھشونی ءِ فنڈ یا کارمند آنی پیری ءِ نفع ءِ ادارگ ءَ رجسٹرڈ بنت۔ روڈ ٹو مکہ ءِ آسراتی اسلام آباد ءُ کراچی ءِ میان استمانی بالی پٹ آنی سر ءَ بیت۔ حج گروپ ءِ جارچین وزارت مذہبی امور ءِ گوما سروس پروائیڈر ءِ معاہدہ ءِ سرا دستخط کن انت ءُ  اے جارچینانی سروس ءِ دیم دیگ ءِ ھاتر ءَ نزیکی ءَ چہ نگرانی کنگ بیت۔ کابینہ ءَ را گوشگ بوت کہ اے رندی نظیم ءِ نوکیں پوسٹ جوڑ کنگ بوتگ تانکہ زیارتی آناں گہتریں آسراتی پجاری ءِ نگرانی بہ بیت۔ ہر 100 زائرین ءِ سرا یک ناظمے ایر کنگ بیت۔ اے ماڈریٹر چہ فلاحی کارندہ آنی تہ ءَ گچین کنگ بنت۔ کابینہ ءَ را گیش گوشگ بوت کہ حج ءِ وھد ءَ بیران بوتگیں ءُ  ٹپی بوتگیں مردمانی معاوضہ ءَ را گیش کنگ بوتگ۔ بیران بوتگیں زائرین ءِ کھول ءَ را 10 لکھ ءَ بگر داں 20 لکھ کلدار ءِ معاوضہ دیگ بیت، وھدیکہ ٹپیگاں 10لکھ کلدار ءِ معاوضہ دیگ بیت۔ کابینہ ءَ را گوشگ بوت کہ حج ءِ آسراتی ءِ ھاتر ءَ ھاسیں حج مینجمنٹ اپلیکیشن جوڑ کنگ بوتگ ءُ حج ءِ ٹریننگ ءِ ھاتر ءَ ھاسیں بندوبست کنگ بوتگ۔ بنجاھی  کابینہ ءَ ہدایت کت کہ حج ءِ بیلٹنگ ءَ اے وڑیں مردماں اولیت دیگ بہ بیت کہ آ اولی رند ءَ حج ءَ دینت۔ بنجاھی  کابینہ ءَ گیش ہدایت کت کہ زائرین ءَ را جوانیں آسراتی ءِ پجارینگ ءِ ھاتر ءَ درستیں المی ئیں گامگیج چست کنگ بہ بنت۔ سجاد فاروقی ءَ سرکاری کارندہ آنی بستار ءَ نجی شراکت داری اتھارٹی ءِ بورڈ ءِ نجی باسک ءِ بستار ءَ گچین کنگ ءِ منظوری داتگ۔ وزارت خزانہ ءُ  آمدنی ءِ سفارش ءِ سرا بنجاھی  کابینہ ءَ لندن انٹر بینک آفرڈ ریٹ (LIBOR) ءَ چہ سیکیورڈ اوور نائٹ فنانسنگ ریٹ (SOFR) ءَ درملکی تجارتی مالیاتی آسراتی ءِ منتقلی ءِ معاہدے ءِ نفاذ / دستخط ءِ منظوری داتگ۔ بنجاھی  کابینہ ءَ وزارت کشمیر ءِ کار ءُ گلگت بلتستان ءِ سفارش ءِ رد ءَ مالی سال 2024-25 ءِ واستہ جموں ءُ کشمیر ءِ ریاستی جائیداد ءِ بجٹ ءِ منظوری داتگ۔ بنجاھی  کابینہ ءَ وزارت ءِ دریائی امور ءِ سفارش ءِ سرا جہاز آنی درجہ بندی ءِ سرٹیفیکیشن ءِ بابت ءَ بندر ءُ  جہاز رانی ءِ ڈائریکٹوریٹ جنرل کراچی ءُ  دریائی درجہ بندی سوسائٹی ءِ نیام ءَ بوتگیں معاہدے ءِ منظوری داتگ۔