پالیسی ریٹ ءِ کم کنگ ءَ چہ وام ءِ کساس کم بیت، بجلی ءِ شوبگ ءَ الس ءَ را ریلیف دیگ ءِ ھاترا مزنیں ”زمستانی پیکج“ آرگ بوھگ ءَ اِنت، بنجاھی  کابینہ ءِ دیوان ءَ مزن وزیر محمد شہباز شریف ءِ گشتانک

اسلام آباد۔5نومبر  (اے پی پی):مزن وزیر محمد شہباز شریف ءَ گوشت کہ معیشت ءُ  سرمایہ کاری ءِ ھوالگ ءَ سک باز جوانیں نشانی ءُ  موہ است انت، ایشی ءَ چہ کارمرد کنگ مئے سرا انت اقتدار ءِ تہ ءَ ھم مزنیں کمی یے بیت۔ شعبہ ءِ تہا یک مزنیں "زمستانی پیکج” آرگ بوہگ ءَ انت کہ آ مہلوک ءَ را ریلیف بہ دنت، معیشت ءِ دیمروئی، روزگار ءِ تہا گیشی، برآمدات ءُ  پاکستان ءَ را وتی پادانی سرا اوشتارگ ءِ وسیلہ ءَ، منی تر ءُ  تاب پاکستانی ڈل سعودی عرب ءَ رھادگ بوتگ۔ سئے شمبے ءِ روچ ءَ بنجاھی  کابینہ ءِ دیوان ءَ مزن وزیر محمد شہباز شریف ءَ گوشت کہ مرکزی بینک ءَ گوستگیں روچ ءَ پالیسی ءِ شرح ءَ را دو ءُ  نیم درسد کم کتگ، ایشی ءِ وسیلگ ءَ مئے پالیسی ءِ شرح 22درسد ءَ چہ 15درسد ءَ کم بوتگ اے کاروبار ءِ واستہ سک باز نیکیں کارے، صنعت، زراعت، برآمدات ءُ  تجارت ءُ  ایشی ءِ آسر ءَ مردم وتی اکاؤنٹ ءَ چہ زر در کن انت ءُ  سرمایہ کاری کن انت کہ ایشی ءَ چہ روزگار، پیداوار ءُ  برآمدات ءَ گیشی کیت۔ مزن وزیر ءِ  گوشت کہ پالیسی ریٹ ءَ  کمی ءِ  چہ پیداواری ءَ  تہ ءِ  گیشی بیت، ءُ  اگاں ما ھمے رنگ ءِ  دیم ءِ  برجاہ بہ داراں گڈا مئے معیشت مھکم بیت ءُ  ترندی ءِ  گوں دیمروئی کنت۔ مزن وزیر ءِ  کابینہ ءِ  گوشت کہ گوستگیں اسمبلی دیوان ءِ  پد سعودی عرب ءُ  قطر ءَ  براتیں ملک آنی تر ءُ  تاب ءَ  رد ءِ  پاکستان ءَ  ڈل رھادگ بوتگ۔ گند ءُ نند ءَ سعودی ولی عہد ءَ پاکستان ءِ الس ءِ واستہ نیکیں واھگ آنی درشان کت ءُ ترندیں پیسلہ کنگ ءِ ضلورت ءِ سر ءَ زور پر دات۔ گوستگیں روچ ءَ اے گپ ءِ رژنائی ءَ ما وتی ڈل ءَ سعودی عرب ءَ روان داتگ، اے تر ءُ  تاب ءِ ساھت ءَ شمسی توانائی، ہنرمندیں مردمی قوت، کان کنی ءِ شوبگ آنی ھوالگ ءَ جیڈھ آنی سر ءَ ھیال ءُ  لیکہ کنگ بیت۔ مزن وزیر ءِ  گوشت کہ سعودی عرب ءُ  قطر ءِ  ھاسیں رنگ ءِ  آئی ٹی ءَ  شوبگ ءِ  ہنرمندیں ورنا آنی سک باز لوٹ است انت۔ آئی ءَ امیت سہرا کت کہ آئی ٹی ءِ وزارت اے پڑ ءَ مزنیں محنت کنت ءُ ورنا آناں گیشیں موہ رس ایت۔ مزن وزیر ءَ گوشت کہ بزنس ٹو بزنس معاہدہ آنی سر ءَ پیشرفت بوھگ ءَ اِنت۔ مارا اے درگت ءَ تیزی ءَ گوں کار کنگی اِنت۔ مزن وزیر ءَ گوشت کہ آذربائیجان ءِ گوما 2 ارب ڈالر ءِ مفاہمت نامہ ءِ گوما دیم ءَ روگ ءِ وھد اتکگ۔ آذربائیجان ءِ صدر ءَ کاپیگام ءَ پیشرفت روان داتگ، ما زوت ایشی ءِ سر ءَ عمل کنیں۔ مزن وزیر ءِ  گوشت کہ معیشت ءُ  سرمایہ کاری ءَ  ھوالگ ءِ  سک باز جوانیں اشارہ است انت، نوں اے مئے سرا انت کہ استیں موہ آں چہ کجام کساس ءِ  پائدگ چست کنئگ بہ بیت۔ مزن وزیر ءَ گوشت کہ پالیسی ءِ شرح ءِ تہ ءَ کمی ءَ چہ وام ءِ کساس 1300ارب کلدار کم بیت ءُ  آیوکیں وھد ءَ مالی گنجائش پجاری بیت۔ مزن وزیر ءَ ہدایت کت کہ کاروباری مردم آنی شرپ ءُ  دلبڈی کنگ بہ بیت ءُ  آہانی حوصلہ افزائی ءَ را گیش کنگ بہ بیت، ایشی ءَ چہ معیشت مھکم بیت۔ مزن وزیر ءِ  گوشت کہ بجلی ءَ  شوبگ ءِ  زمستانی پیکج ءَ  آرگ بوھگ ءِ  اِنت۔ عام مردم ءَ را ریلیف دیگ ءُ معیشت ءِ دیمروئی کنگ ءِ ھاترا۔ روزگار ءِ موہ ءُ برآمدات ءَ را گیش کنگ ءِ ھاترا۔ پاکستان ءَ وتی پادانی سرا اوشتگی انت۔ اے یک دراجیں ءُ گرانیں سفرے بلے ھما راج کہ اے پیسلہ ءَ کن اَنت کہ ما ھرچ جاور ءِ دیمپان بہ بئیں آ دیم ءَ رو اَنت ءُ سوبمندی ءِ ھاترا دیم ءَ رو اَنت۔ پدا اللہ تعالیٰ ھم کامیابی ءِ نعمت ءَ دنت۔