اسلام آباد۔5نومبر (اے پی پی): ایران ءِ درئی کارانی وزیر سید عباس عراقچی 2روچ ءِ سرکاری تر ءُ تاب ءَ پاکستان ءَ سر بوتگ ءُ آ مرچی (سہ شمبے) ءَ دری کارانی کارگس ءَ نائب مزن وزیر ءُ درئی کارانی وزیر سینیٹر محمد اسحاق ڈار ءَ گوں گند ءُ نند کنت۔ درئی کارانی کارگس ءِ جارکش ءِ رد ءَ ایران ءِ دری کارانی وزیر مزن وزیر شہباز شریف ءَ …
ایران ءِ دری کارانی وزیر مرچی نائب مزن وزیر سینیٹر محمد اسحاق دار ءَ گوں گند ءُ نند کنت
گیشتریں ھال
اسلام آباد۔5نومبر (اے پی پی): ایران ءِ درئی کارانی وزیر سید عباس عراقچی 2روچ ءِ سرکاری تر ءُ تاب ءَ پاکستان ءَ سر بوتگ ءُ آ مرچی (سہ شمبے) ءَ دری کارانی کارگس ءَ نائب مزن وزیر ءُ درئی کارانی وزیر سینیٹر محمد اسحاق ڈار ءَ گوں گند ءُ نند کنت۔ درئی کارانی کارگس ءِ جارکش ءِ رد ءَ ایران ءِ دری کارانی وزیر مزن وزیر شہباز شریف ءَ گوں ھم گند ءُ نند کنت ۔ ایشی ءَ چہ پیسر اسلام آباد بالی پٹ ءَ ایران ءِ درئی کارانی وزیر سید عباس عراقچی ءَ را ایڈیشنل دری کارانی سیکرٹری (افغانستان ءُ مغربی ایشیا) احمد نسیم ورائچ ءَ وش اتک کت۔ ایران ءِ دری کارانی وزیر ءِ اے تر ءُ تاب پاکستان ءُ ایران ءِ نیام ءَ بیپار، توان ءُ ایمنی ءَ ھوار کمک ءَ را دیم ءَ برگ ءِ یک ھاسیں موہ یے ۔ پاکستان ءِ تر ءُ تاب ءِ وھد ءَ ایران ءِ دری کارانی وزیر ءِ نائب مزن وزیر ءُ دری کارانی وزیر سینیٹر محمد اسحاق ڈار ءَ گوں گپ ءُ تران کنت ءُ پاکستان ءِ مزن وزیر ءَ گوں گند ءُ نند کنت ۔ زانگ بہ بیت سید عباس عراقچی وتی اگدہ ءِ گرگ ءَ پد اے اولی پاکستان ءِ تر ءُ تاب انت ۔ دری کارانی کارگس ءِ جارکش ءِ رد ءَ ایران ءِ دری کارانی وزیر میان اُستمانی جاور ءُ دو نیمگی سیادی ءِ سر ءَ ھم شور ءُ سلاھ کنت۔
