بنجاھی وزیر بلوچستان شجاع آباد  ءَ سر بوتگ ، پنجگور ءِ وئیل ءَ شہیدانی کھول ءَ را ریلیف چیک بھر ءُ بانگ کتگ

ملتان۔ 31 اکتوبر (اے پی پی):بلوچستان ءِ سر وزیر میر سرفراز بگٹی ءَ راجی اسمبلی ءِ باسک عبدالقادر گیلانی ءِ گوما ملتان ءِ تحصیل شج آباد ءِ تر ءُ تاب کتگ ءُ پنجگور وئیل ءِ 7 شہیدانی وارث آناں 1515لکھ ءِ ریلیف چیک بھر ءُ بانگ کتگ۔ 28 ستمبر ءَ ناشرکاراں بلوچستان ءِ ضلع پنجگور ءَ شج آباد ءِ 7 مزدور ءِ سر ءَ تیر گواری کتگ ءُ شھید کتگ ۔ بنجاھی وزیر ءَ پنجگور وئیل ءِ شہیدانی گس ءِ مردم آں گوں دلپدردی ءِ درشانی کنان ءَ دل یکیمی دات کہ دل سُدیں وئیل ءَ ہواریں ناشرکار آناں سکیں سزا دیگ بیت۔ پد ءَ رسانکدر ءَ گوں تران کنان ءَ میر سرفراز بگٹی ءَ گْوشتگ کہ اے غمناکیں وئیل ءِ تہ ءَ ھچ بلوچ ءَ سرائیکی ءُ پنجابی نہ کُشتگ بلے ناشرکاراں پاکستانی ءِ کُشگ ءَ چہ صوبہانی تہ ءَ نفرت ءِ شنگ کنگ ءِ نا شریں کوشست کتگ کہ 2016 ءِ مردماں ناکام کتگ۔ پاکستان۔ آئی ءَ گوشت کہ اے وئیل ءَ ھواریں ناشرکار کمیں کانود ءِ دست ءَ کپتگ اَنت وھدیکہ ایشانی تہ ءَ لھتے ءِ دزگیر کنگ ءِ واستہ کانود حرکت ءَ اِنت۔ میر سرفراز بگٹی ءَ گشتگ بلوچستان ءِ ناشرکاری ءِ وئیلانی تہا ہندوستان ءِ انٹیلی جنس ادارگ رائے ءِ دست مان انت کہ آئی ءِ ڈوزیئر ما دگنیا ءَ داتگ انت۔ بنجاھی وزیر بلوچستان ءَ گوشت کہ بلوچ راج روایتانی پاسپان انت ءُ  آ وت ھم اے وئیل ءَ چہ اجکہ انت۔ ادا چہ من پنجاب ءَ ہوار پاکستان ءِ مہلوک ءَ کلوہ سر کنگ لوٹاں کہ بلوچستان سرکار صوبہ ءِ تہا ناشرکارانی ہلاپ ءَ جنگ ءَ انت۔ ءُ ما سک زوت یک انچیں امن ءُ ایمنی ءِ چاگردے جوڑ کنگ ءَ ایں کہ چہ سرجمیں ملک ءِ مردم بلوچستان ءَ بے ترس ءُ بیم ءُ ھترہ ءَ روزگار ءِ رسگ ءَ سوبین بہ بنت۔ اے موہ ءِ سر ءَ شج آباد ءَ چہ راجی اسمبلی ءِ باسک عبدالقادر گیلانی ءَ بنجاھی وزیر ءِ شگر ءُ منت گپت کہ پمیشکیں مردمانی گوما یکوئی ءِ درشان کنگ ءَ آیگ ءَ پد گوشت کہ بلوچستان ءِ الس مہمان نواز اَنت۔ ءُ بلوچستان سرکار ناشرکارانی ھلاس کنگ ءَ ھوار اِنت۔ آئی ءَ گوشت کہ مٹّی یے ناشرکار ءُ بدکار صوبہ آنی نیام ءَ نفرت شنگ ءُ تالان کُت نہ کن اَنت۔