واشنگٹن۔ 07 جولائی (اے پی پی) امریکہ نا صدر ڈونلڈ ٹرمپ نیامی و دے ٹکی یورپی ملک آتا راہشون تیا زور شاغانے کہ او روس آن بھلو کچ اسے آ ایندھن درآمد کننگ آن بیدس اوفتے امریکہ غان خوائنگ نا معاہدہ کیر۔ صدر ٹرمپ ہرا 12یورپی ملک آتا سروک کانفرنس اٹی شرکت نا چرجوئی ٹی پولینڈ نا شار وارسا ٹی ئِ پارے کہ امریکہ پولینڈ و ایلو یورپی ملک آتا توانائی نا گرج آتے پورو کننگ اٹی کمک تننگ کن تیار ئِ۔ داڑکن نی وخت اس ہم اسہ ملک اسے کن یرغمال مننگ کپیسہ۔ صدر ٹرمپ تینا ہیت وگپ اٹی روس انا پن ئِ ہلتو۔ ٹرمپ انتظامیہ ئِ اومیت ئِ کہ او یورپی علاقہ ٹی زیات مقدار اٹی مائع گیس برآمد کرسا تینا برآمد آتے ودفنگ کیک۔ امریکہ تون قدرتی گیس انا بھلو کوڑی اس ساڑی ئِ ہرافتے کشنگ نا خڑچ آک کم ئُ و او پیشن نا ملک مائع گیس انا فراوانی کن پوسکن ئُ ٹرمینل جوڑ کننگ ئِ۔
