ناشرکاری ئِ اسلام ئَ گوں ھچ سیادیءُ نزیکی نیست
ریاض۔ 06جولائی(اے پی پی) اسلامی کانفرنس ئِ گل او آئی سی ئَ گوستگیں روچ سعودی عربئِ رودرآتکی شہر قطیف ئَ ناشرکاری ئِ وئیل ئَ راسک باز ایر جتگ۔ ناشرکاریئِ اے کاروائیئِ نتیجگئَ یک سیکیورٹی اہلکارے شہید ءُ آئیئِ سئے ھمراھ ٹپیگ بوتگ اَنت۔ سعودی ھال رسانکی وسیلگئِ ردئَ او آئی سی ئِ سیکرٹری جنرل ڈاکٹر یوسف بن احمد العثیمینئِ نیمگئَ چہ جاری بیانئِ تہا قطیف گورنری ئِ المسورہ کالونی ئَ ناشرکاری ئِ وئیلئَ را سک باز ایر جتگءُ یک سیکیورٹے اہلکارئِ مرگئِ سرئَ اپسوزئِ درشانی کتگ۔ آئی ئَ ناشرکاری ئِ ھلاپ ئَ جاری جنگئِ تہا سعودی عربئِ ازمت ئَ را ساڑاتگ ءُ گشتگ کہ ناشرکاریں سییکورٹی ادارگ آنی اہلکار آناں وج کنگءُ ملکئِ تہا تکانسری پیداک کنگئِ پندل سازگئِ کوشست کنگئَ اَنت۔ ڈاکٹر العثیمینئَ گشتگ کہ ناشرکاری ئَ گوں اسلام ئَ ھچ وڑیں سیادی ءُ نزیکی نیست۔ او آئی سی ناشرکاری ئِ دراھیں شکلءُ دروشماں ایر جن اَنتءُ آھانی ھلاپ ءَ سرجمی ئَ گامیگج چست کنگئِ گپئَ کن اَنت۔
