پاکستان ءَ ایس سی او کانفرنس ءِ برجائی یک مزنیں سوبمندی یے، سینیٹر عرفان صدیقی

اسلام آباد۔17اکتوبر  (اے پی پی): سینیٹ ءَ پاکستان مسلم لیگ ءِ پارلیمانی سروک سینیٹر عرفان الحق صدیقی ءَ گشتگ کہ پاکستان ءَ ایس سی او ءِ کانفرنس ءِ برجم دارگ مزنیں سوبمندی یے، مارا پی ٹی آئی ءِ زہرشانی ءِ سرا دلگوش دیگی انت۔ بے جاہ ءُ  زوت اِنت، درملک ءَ پاکستانی آنی واستہ ھاسیں آمید گس ءِ جوڑ کنگ ءَ چہ آھانی جائیداد آنی ھوالگ ءَ کیس آناں ترندیں رنگ ءَ گیش ءُ  گیوار کنگ ءَ کمک رسیت۔ پنچ شمبے ءِ روچ ءَ ایوان بالا ءِ دیوان ءَ تران کنان ءَ آئی ءَ گوشت کہ استیں حکومت ءَ ھچ وڑیں گامگیج نہ کتگ کہ آ ملکی اقدار آنی ھلاپ بہ بیت۔ آئی ءَ گوشت کہ ایس سی او ءِ سروک آنی کانفرنس پاکستان ءِ واستہ شرپ ءِ ساھت ات پرچا کہ پاکستان ناشرکاری، امن ءُ  ایمنی ءِ جیڈھ، کوش ءُ  کوش آنی واستہ نامدار بوھگ ءَ انت، ملک ءَ اے وڑیں مزنیں مراگش ءِ برجائی یک مزنیں سوبمندی یے شمئے منت انت کہ شما اے کار ءَ جوانیں رنگ ءَ کتگ۔ ، ایشی ءِ اثر ھم جوان بنت، پاکستان ءِ اقتصادی اشاریہ تیزی ءَ گوں گہتر بوھگ ءَ انت، معیشت ءِ تہ ءَ گہتری اتکگ، مہنگائی 6.9% ءَ اتکگ، درملکی زرّ ءِ ذخیرہ ءُ  تجارت گیش بوھگ ءَ انت اے بوتگ، اسٹاک ایکسچینج ءَ گہتری اتکگ۔ مارا سیاسی ھمگرنچی ءِ سر ءَ دلگوشی دیگی اِنت، سیاسی آشوب ءُ انارکی ھمک نادراھیانی بُن اِنت۔ آئی ءَ گوشت کہ سعودی عرب ءِ ڈل ءَ 2ارب ڈالر سرمایہ کاری کنت، ایندگر دوستیں ملک آنی ڈل اتکگ انت، ملائیشیا ءُ  چین ءِ مزن وزیر آنی ھوار ایندگر مزن وزیر ھم پاکستان ءَ اتکگ انت درستیں سیاسی گل آناں کوشست کنگی انت کہ ھچ رنگیں داغ مہ کپ ایت۔ اے اکس سرا آئی ءَ گوشت کہ ایس سی او ءِ سروک دیوان ءِ موہ ءَ تحریک انصاف ءِ نیمگ ءَ زھرشانی ءِ کال داتگ ات، ایشی ءِ کشگ ءَ وش آتک کنگ بیت، جمعہ ءِ روچ ءَ پدا تحریک انصاف ءِ کال زوت انت، آئی ءِ نیمگ ءَ مولانا فضل گپ ءُ  تران کنگ ءَ انت، آئی ءَ را زھرشانی کنگ ءُ  جوڑ کنگ ءِ حق است انت۔ یک حکمت عملی یے وتی پارٹی ءِ منشور ءِ رد ءَ ، بلے اگاں چوشیں حکمت عملی یے نیست کہ ملک ءِ مفاداں تاوان بہ دنت گڑا آ ملک ءِ ھلاپ ءَ دگہ گامگیج مہ زوریت ، آئی ایم ایف ءِ معاہدے ءِ ھلاپ ورزی ءَ ھوار آ وتی ملک ءِ ھاترا ھمکاری بہ کن اَنت ۔ درملک ءَ نندوکیں پاکستانی آنی کیس آنی ھوالگ ءَ آمید گس جوڑ کنگ ءِ واستہ بل ءِ منظوری ءِ سر ءَ وتی حیال ءِ درشان کنان ءَ آئی ءَ گوشت کہ اوورسیز پاکستانی ملک ءِ یک مزنیں سرمایہ یے، آھاں ماہانہ 3 ارب ڈالر ریمیٹنس دیم داتگ، آ پاکستانی اَنت شہری ءُ آ وتی حقانی تہا وتی مال ءُ مڈی ءِ بابت ءَ قانون جوڑ کنگ بوتگ، ھاسیں آمیدگسانی جوڑ کنگ ءَ چہ آہاں ترندیں انصاف رس ایت۔