نن نئے شہیدی آن خلیسونن و نئے آخبت خلینہ، پاکستان پیپلزپارٹی سانحہ کارساز نا شہید آتے اوفتا برسی نا وخت آ خراج عقیدت پیش کیک، سردار سربلند جوگیزئی

کوئٹہ۔ 17 اکتوبر (اے پی پی) پاکستان پیپلزپارٹی نا مرکزی راہشون سردار سربلند جوگیزئی سانحہ کارساز نا شہیدآتے خراج عقیدت پیش کرسا پارینے کہ نن نئے شہیدی تیان خلیسونن و نئے آخبت خلینہ، پیپلزپارٹی نیزگار پرور جماعت ءِ نن مدام اِرغ، پچ و ہند اناہیت ءِ کرینن الس نا حق اکن ہروڑنا قربانی کن ہروخت تیار اُن، داڑے جاری مروک اسہ بیان اسے ٹی سردار سربلند جوگیزئی پارے کہ 18 اکتوبر آ شہید گودی بینظیر بھٹو نا ملک اٹی پدی بننگ آ مچ آ پاکستان نا شاری تیٹی خوشی نا کیفیت ئس کہ داسہ اوفتا مسیحا بسنے ہرا پاکستان نا الس ، مزور، بزغرآتے نیزگاری آن نجات ترفک۔ اوپارےکہ 18 اکتوبر 2007 نا دے پاکستان نا تاریخ اٹی ہمو است ہسون دہشت گردی نا یات ترفک ہراتم دہشت گرد آک کودک و بے گناہ پاپاکستان پیپلزپارٹی نا سرکڑدہ و جیالہ غاتے بدترین دہشت گردی نا شست کریر ہرانا درور ملکی تاریخ اٹ ملیپک۔ دادے پاکستان پیپلزپارٹی نا چیئرپرسن و مسکوہی وزیراعظم گودی بینظیر بھٹو ہشت سال انا مریس خودساختہ جلاوطنی نا زندءِ تیر کننگ آن پد کراچی آ سرمس تو اونا بخیرکننگ کن مچ آ ملک آن بروک آ مخلوق نا ہنداخہ بھلو جلوس اس ئس کہ اودے کراچی بالی پٹ آن کار سازا سکان سرمننگ اٹ 10 آن زیات گھنٹہ لگا۔اوپارے کہ پاکستان پیپلزپارٹی سانحہ کارساز نا شہیدآتے اوفتا برسی نا وخت آخراج عقیدت پیش کیک و داقول کیک کہ شہید آتا مشن ءِ ہرحال اٹ ایسر اسکان سرکننگک۔ اوپارے کہ اینو سانحہ کارساز نا شہیدآتے خراج عقیدت پیش کننگ کن حیدر آباد اٹی مروک آ جلسہ ٹی مچ آ بلوچستان آن جیالہ غاک پبی بشخ ہلیرہ۔