شنگھائی کوآپریشن آرگنائزیشن ءِ مزن وزیر محمد شہباز شریف ءِ سروکی ءَ حکومت ءِ سروک کونسل ءِ 23می دیوان بندات بوتگ

اسلام آباد۔16اکتوبر  (اے پی پی):شنگھائی کوآپریشن آرگنائزیشن ءِ باسکیں ملک آنی کونسل آف ہیڈز آف گورنمنٹ ءِ 23می دیوان ءِ سروکی ءَ مزن وزیر محمد شہباز شریف ءَ جناح کنونشن سینٹر  ءَ بندات بوت۔ ، مزن وزیر ءَ ایس سی او ءِ دیوان ءَ بھر زوری کنوکیں حکومت ءِ سروک آناں آیگ ءِ سر ءَ گرمیں رنگ ءَ وش اتک کت۔ دیوان ءَ بہر زوروکیں باسکیں ملک آنی گیشتریں سروک ءُ  وزیر بنجاھی  دارالحکومت اسلام آباد ءَ سر بوتگ اتنت وھدیکہ چین ءِ مزن وزیر لی چیانگ  پیسر ءَ چہ سرکاری تر ءُ  تاب ءَ پاکستان ءَ انت۔ شنگھائی کوآپریشن آرگنائزیشن ءِ دیوان ءَ بہر زورگ ءِ واستہ روس ءِ مزن وزیر میخائل مشوستین ءُ ایران ءِ معدنیات ءِ وزیر محمد عطابک ھم پاکستان ءَ سر بوتگ اَنت۔ گند ءُ نند ءَ شنگھائی کمکی گل ءِ سروک ایس سی او ءِ باسکیں ملک آنی نیام ءَ معیشت، تجارت، چاگردی ءُ چاگردی ءُ دود ءُ ربیدگی سیادی آنی پڑ ءَ برجاھیں کمک ءِ سر ءَ گپ ءُ تران کن اَنت ءُ وت مہ وتی سیادی آنی دیمروئی ءِ ھواری ءَ دگہ جیڈھ آنی سر ءَ ھم ھیال ءُ لیکہ کن اَنت۔ کونسل آف ہیڈز آف گورنمنٹ شنگھائی کوآپریشن آرگنائزیشن ءِ دومی مزنیں فورم اِنت کہ ایشی ءِ سروک پاکستان اِنت ءُ اے وھد ءَ مزن وزیر محمد شہباز شریف کونسل ءِ سروک اِنت۔ چین، روس، کرغزستان، بیلاروس، تاجکستان، ترکمانستان، قازقستان، منگولیا، ہندوستان، ایران ءُ  ایندگر ملک آنی سروک آنی ھوار شنگھائی کمکی گل ءِ دو روچی سروکیں دیوان ءَ ناظریں ملک ءُ  گپ ءُ  تران ءِ شریک بھر زوری کنگ ءَ اَنت۔ مزن وزیر محمد شہباز شریف ءَ شنگھائی کوآپریشن آرگنائزیشن ءِ حکومت ءِ سروک آنی کونسل ءِ سرکاری دیوان ءَ جناح کنونشن سینٹر اسلام آباد ءَ چہ پیسر باسکیں ملک آنی سروک آناں وش آتک کت۔ زانگ بہ بیت کہ پاکستان ءَ کرغزستان ءِ بنجاھی شھر بشکیک ءَ برجم داشتگیں اکتوبر 2023 ءِ دیوان ءَ سال 2023-24 ءِ واستہ حکومت ءِ سروک کونسل ءِ چیئرمین ءِ ذمہ واری گپتگ۔ مزن وزیر محمد شہباز شریف ءَ گوستگیں شپ ءَ شنگھائی کوآپریشن آرگنائزیشن ءِ باسکیں ملک آنی ڈل آنی شرپ ءَ شپ ءِ ورگ ءِ میزبانی کت کہ ایشی ءِ تہ ءَ چین، روس، تاجکستان، کرغزستان، قازقستان، بیلاروس ءُ  ترکمانستان ءِ سرا بوتگ۔ اے موہ ءِ سر ءَ مزن وزیر محمد شہباز شریف ءُ نائب مزن وزیر ءُ درئی کارانی وزیر سینیٹر محمد اسحاق ڈار ءَ مہمان آناں وش اتک کت ءُ میزبانیں مزن وزیر ءَ گند ءُ نند ءَ بھر زوری ءَ گوں اکس ھم کش اِت۔ دیوان ءِ تہ ءَ منگولیا ایس سی او ءِ سیکرٹری جنرل ژانگ منگ ءِ بستار ءَ بھر زوری کنگ ءَ اِنت ءُ  سپریم کورٹ ءِ دیوان ءَ ایندگر ھاسیں مردم ھم بھر زوری کنگ ءَ اَنت۔ مزن وزیر محمد شہباز شریف ءِ بنداتی گشتانک ءَ چہ پد شنگھائی کوآپریشن آرگنائزیشن ءِ باسکیں ملک آنی حکومت ءِ سروک کونسل ءِ دیوان ءَ درملکی ڈل آنی سروک گشتانک دیان انت۔