اسلام آباد۔16 اکتوبر (اے پی پی) وزیراعظم محمد شہباز شریف شنگھائی کمکار تنظیم نا 23 می سروک حکومت نادیوان اٹی بشخ ہلنگ کن جناح کنونشن سینٹر آ بننگ آ سروک حکومت و مندوبین آتے جم وجوش اٹ بخیرکرے۔ داوخت آنائب وزیراعظم ووزیرخارجہ اسحاق ڈار ہم اوڑتون اوار ئس۔ ایس سی او نا سیکرٹری جنرل جانگ منگ و ایران نا وزیرصنعت سید محمد اتابک غٹ آن مست جناح کنونشن سینٹر …
وزیراعظم محمد شہبا زشریف ایس سی او سی سروک حکومت نادیوان اٹی شریک راہشون آتے جم وجوش اٹ بخیرکرے
گیشتریں ھال
اسلام آباد۔16 اکتوبر (اے پی پی) وزیراعظم محمد شہباز شریف شنگھائی کمکار تنظیم نا 23 می سروک حکومت نادیوان اٹی بشخ ہلنگ کن جناح کنونشن سینٹر آ بننگ آ سروک حکومت و مندوبین آتے جم وجوش اٹ بخیرکرے۔ داوخت آنائب وزیراعظم ووزیرخارجہ اسحاق ڈار ہم اوڑتون اوار ئس۔ ایس سی او نا سیکرٹری جنرل جانگ منگ و ایران نا وزیرصنعت سید محمد اتابک غٹ آن مست جناح کنونشن سینٹر آ سرمسر ہراڑے وزیراعظم محمد شہباز شریف و نائب وزیراعظم و وزیرخارجہ اسحاق ڈار اوفتے بخیرکریر۔ اوکان پد وزیراعظم شہباز شریف چین نا وزیراعظم لی چیانگ، روس انا وزیراعظم میخائل مشوستن، تاجکستان ناوزیراعظم کوہررسول زادہ، بیلاروس نا وزیراعظم رومن گولووچینکو، کرغزستان نا وزراء کابینہ نا چیئرمین اکیل بیک جاپاروف، منگولیا نا وزیراعظم اویون اردین لویسنامسرایی، ازبکستان نا وزیراعظم عبداللہ اریپوف، ترکمانستان نا وزیر آتا کابینہ نا نائب چیئرمین و وزیرخارجہ امور راشد میریدوف و قازقستان نا وزیراعظم اولز ہاس بیکوتینوو، بھارتی وزیرخارجہ سبرامنیم جے شنکر ءِ اسٹ اسٹ آ بخیرکرے۔ اوکان پد وزیراعظم محمد شہباز شریف و دیوان اٹی شریک ایس سی او راہشونک گروپ فوٹو کشفیر۔ بیابخیری آن پد شنگھائی کمکار تنظیم نا 23 می سروک حکومت نا دیوان باضابطہ وڑاٹ بناکرے۔
