چین نا وزیراعظم لی چیانگ نا اعزاز اٹی وزیراعظم ہاؤس اٹی بیابخیری دود اس اڈ تننگا

اسلام آباد۔ 14 اکتوبر (اے پی پی) عوامی جمہوریہ چین نا وزیراعظم لی چیانگ نا اعزاز اٹی وزیراعظم ہاؤس اٹی باضابطہ بیابخیری دود اس اڈتننگا و اودے گارڈ آف آنر پیش کننگا۔ دوشنبے نادے آ عوامی جمہوریہ چین نا وزیراعظم لی چیانگ نا اعزاز اٹی وزیراعظم ہاؤس اٹی باضابطہ بیابخیری دود اس اڈتننگا۔ وزیراعظم ہاؤس آ سرمننگ آوزیراعظم محمد شہباز شریف اودے جم وجوش اٹ بخیرکرے۔ داوخت آ ہڑتوم آ وزیر اعظم آک اسہ ایلو کن خیرخواہی نا جوزہ غاتا درشانی ءِ کریر۔ وزیراعظم شہباز شریف چینی وزیراعظم ءِ تین تون اوار سلامی نا چبوترہ غا ہنا درے ہراڑے ہڑتوم آ ملک آتا قومی ترانہ غاتے خلنگا۔ چینی وزیراعظم گارڈ آف آنر نا معائنہ ءِ کرے۔ ہرمسٹ آ سلہہ بند فوج انا چاق و چوبند دستہ چین نا وزیراعظم ءِ سلامی تسر۔ چینی وزیراعظم نا داوخت آ بنجائی کابینہ نا باسک و عملہ تون درستی راستی ءِ کرفنگا وخت اس کہ چین نا ڈل انا پاکستانی وزیراعظم تون درستی راستی ءِ کرفنگا۔ چین نا وزیراعظم وزیراعظم شہباز شریف تون اواری اٹ وزیراعظم ہاؤس نا دنگ اٹی یات گار نا وڑاٹ نیال اس ہم خلک۔