زمہ واریں مردم ئُُ ادارگ ئِ ٹک ئُُ نشان ئُُ راجی نپ ئِ ھاترا ایشی ئِ ھلاپ ئَ کاروائی کنگ بیت، وزیر ئِ ھزانگ
اسلام آباد۔ 5 جولائی (اے پی پی) بُنجاھی وزیر ئِ ھزانگ اسحاق ڈار ئَ وت جوڑیشتی رنگ ئَ ڈالر ئِ دیم ئَ زرّ ئِ نیاد ئِ کپگ ئِ سر ئَ نوٹس زرتگ ئُُ گوشتگ کہ اے رد ئَ زمہ وزریں مردم آناں ٹک ئُُ نشان کنگ بیت ئُُ راجی نپ ئِ درگت ئَ ایشانی ھلاپ ئِ ترندی ئَ کاروائی کنگ بیت۔ وزیر ئِ ھزانگ اسحاق ڈار ئَ چار شمبے ئِ روچ ئَ اِدا فنافس ڈویژن ئِ کارندہ آنی زوت ئُُ اشتاپیں دیوان ئِ ساھت ئَ پاکستانی زرّ ئِ دیم ئَ انٹر بنک ریٹ ئَ ڈالر ئِ نیاد ئِ تہئَ گیشی ئِ سر ئَ نوٹس زرتگ ئُُ ایشی ئِ سرئَ ترندیں نہ وشی ئِ درشان کت ئُُ گوشت کہ بازیں مردم ئُُ بنک استیں جاور ھال آنی ناجائزیں نپ چست کنگ ئِ ھاترا وت سر ئَ ڈالر ئِ نیاد ئَ را ودینگ ئُُ پاکستانی زرّ ئَ انٹر بنک ریٹ ئِ تہ ئَ ڈگار ئَ جنگ۔ آئی ئَ گوشت کہ مئے درملکی زرمبادلہ ئِ مارکیٹس ئِ سرئَ ھرابیں چیز نکش بوتگ آں، وزیر ئِ ھزانگ ئَ گوشت کہ زمہ واریں مردم آناں ٹک ئُُ نشان کنگ بیت ئُُ آئی ئِ ھلاپ ئَ راجی نپ ئُُ سیت ئِ تہءَ جوانیں کاروائی کنگ بیت۔