کوئٹہ۔ 23 اگست (اے پی پی):کوئٹہ ءِ نندوک 14 سالی ورناہ ءَ را کانگو وائرس بوتگ۔ بلوچستان ءَ گوازوکیں سال کانگو ءَ چہ آماچیں مردمانی کساس 23 بوتگ۔ فاطمہ جناح انسٹیٹیوٹ آف چیسٹ ڈیزیزءِ ردءَ صوبائی بنجاہی حکومت کوئٹہ ءِ نندوک 14 سالی ورناہ سراج الدین ءَ را علاج ءِ ھاترءَ فاطمہ جناح ءَ برگ بوتگ کہ آھودہ آئیءِ نمونگ پہ تپاسگ ءِ ھاترءَ دیم دئیگ بوتگ اَنت کہ آئی ءِ ٹیسٹ ءِ نتیجگ پازیٹو اَتکگ، اے ورناہ کوئٹہ ءَ کساب ءِ دکان ءَ کارکنگءَ ایں۔ یات کنگ بہ بیت کہ 16 اگست ءَ بلوچستان ءَ کانگو وائرس ءَ چہ یک نادراہے بیران بوتگ وہدےکہ گوازوکیں سال تاں انوں صوبہ ءِ تہا 5 مردم کانگو وائرس ءَ چہ بیران بوتگ اَنت۔
