کراچی۔ 23 اگست (اے پی پی):پاکستان پیپلزپارٹی ءِ چئیرمین بلاول بھٹو زرداری ءَ رحیم یار خان ءَ پولیس اہلکارآنی سرءَ ڈُنگانی اُرشءَ را سک باز ایر جتگ ءُ اے اُرش ءَ شہید بوتگیں پولیس اہلکار آنی حانداناں گوں دلپدردی ءِ درشانی کتگ۔ بلاول گسءِ میڈیا سیل ءَ چہ شنگ بوتگیں بیان ءِ ردءَ آئیءَ گشتگ کہ ضلع رحیم یارخان ءِ کچہ ءِ دمگ ءَ بوتگیں وئیل ءَ را ایر جناں، امنءُ ا یمنی حکومت ءِ زمہ واری ایں، جرم کنوک بکشگ نہ بنت، اُمیت اِنت کہ پولیس ءِ 14 ورناہ آنی شہیادت ءِ زمہ وار دزگیر کنگ بنت ۔ بلاول بھٹو زرداری ءَ گشتگ کہ شہید اہلکار راجءِ بہادریں بچ اَنت ، آیانی قربانی کدی ہم شموشگ نہ بنت۔ آئیءَ گشتگ کہ اے وئیل ءِ پٹءُ پول کنگ بہ بیت، ٹپیگ اہلکار آناں علاج ءِ جوانیں آسراتی دئیگ بہ بیت۔ بلاول بھٹو زرداری ءَ گشتگ کہ پنجاپ پولیس ءِ افسر ءُ ورناہ آنی فرض ءِ ھاترءَ جان ندر کنوکانی قربانی بے مٹ اَنت، آئیءَ شہید آنی حانداناں گوں دلپدردی ءِ درشانی کتگ۔
