کوئٹہ۔ 23 اگست (اے پی پی):گورنر بلوچستان جعفرخان مندوخیل ءَ گوشتگ کہ بلوچستان ءِ الس آناں کوئٹہ ءَ چہ جدہ ءَ ھاسیں امبرہ فلائٹ ءِ بنگیج کنگ ءُ پاکستان انٹرنیشن ائیر لائنز (PIA) ءِ نیمگ ءَ چہ گیش کرایہ ءَ کمی آرگ ءِ گامگیج لائک ءِ ستا انت۔ اے ھیالانی درشانی آئیءَ وتی جاڑی کتگیں بیان ءَ گوشگ بوتگ۔ آئی ءَ گوشت کہ مارا کوئٹہءَ چہ جدہ بالی گراب آنی کرایہ ءِ تہءَ کمی آرگ ءِ جار جنگ ءَ چہ باز وشی سما بوتگ، کرایہ ءَ کمی ءَ چہ سعودی عرب ءَ نندوکیں توامیں پاکستانی مسافر ھاسیں رنگ ءَ امبرہ کنوک آنی واستہ سیت مندیں ھال ات۔ آئی ءَ گوشت کہ ما کوئٹہ ٹو جدہ ڈائیکٹ امبرہ فلائٹ بندات کنگ ءُ بالی سفر ءِ کرائی ءَ کمی آرگ ءَ را کامیات ءُ وش نام بوتگ آں۔ بلوچستان ءِ الس آنی واستہ صوبائی دارالحکومت کوئٹہ َ چہ انٹرنیشنل سفر ءَ را درستاں چہ گیش لائک جوڑ کنگ ءُ رسائی ءُ سستا جوڑ کنگ ٹوھیں کامیاتی ات ایشی ءِ پد ءَ ما بنجاھی حخومت ءُ پی آئی اے ءِ کارندہ آنی شگر ءُ منت وار آں۔ یات دارگ بہ بیت کہ کوئٹہ ٹو جدہ ڈائریکٹ امبر فلائٹ ءِ کرایہ ءَ 20 ہزار کلدار ءِ سر ءَ آرگ بوتگ۔
