پاکستانی ورناہ  زانتءُ سرپدی ءِ واھُند اَنت، ورناہ آناں اگاں موہ دئیگ  بہ بیت گڑا آ ملک ءِ نامءَ نام دار کُت کناں، ملک  مستر آصف علی زرداری ءِ آکسفورڈیونین سوسائٹی ءِ  نوک گچین بوتگیں صدر اسرار کاکڑءَ گوں گپء ُتران

اسلام آباد۔21اگست  (اے پی پی): ملک مسترآصف علی زرداری ءَ گشتگ کہ پاکستانی ورناہ بازیں زا نتءُ سرپدی ءِ واھُند اَنت، اگاں   ورناہ آناں موہ دئیگ بہ بیت گڑا آ ملک ءِ نام ءَ  نام دار کُت کناں۔ ایوان صدر ءِ پریس ونگءَ چہ  شنگ بوتگیں بیانءِ ردءَ ملک مسترءَ اےھیالانی درشانی آکسفورڈ یونین سوسائٹی ءِ نوک گچین بوتگیں صدر اسرار خان کاکڑءَ گوں گپءُتران کنانءَ کتگ کہ آیاں چا رشمبے ءِ روچءَ ایوان صدرءَ یکے دومی ءَ گوں  گپءُتران کتگ۔ ملک مسترءَ اسرار خان  کاکڑءَ را آکسفورڈیونین سوسائٹی ءِ صدر  گچین بوھگءِ مراد بات داتگءُ گشتگ کہ بلوچستانءَ چہ پاکستانی ورناہ ءِ آکسفورڈیونین ءِ  صدر جوڑ بوھگ مزنیں  شرپے ءِ گپ  اِنت۔ ملک مسترءَ  گشتگ کہ بانک بینظیر بھٹو  آکسفورڈ یونین ءِ  اولی ایشیائی زالبول صدر بوتگ۔ آصف علی زرداری ءَ گشتگ کہ پاکستانی ورناہ  بازیں زانتءُ سرپدی ءِ واھُند اَنت، ورناہ  آناں  موہ دئیگ بہ بیت گڑاآ ملک ءِ نام ءَ روژناہ کناں، اسرار خان ءِ آکسفورڈ یونین ءِ صدر گچین بوہگءَ چہ ایندگہ ورناہ آناں دلبڈی رسیت۔ ملک مسترءَ اے اُمیتءِ درشانی کتگ کہ اسرار خان باندات ءَ ہم وتی سوبمندیاں چہ ملک ءِ نامءَ روژناہ کنت۔