اسلام آباد۔19اگست (اے پی پی): مزن وزیر محمد شہباز شریف ءَ ضلع باجوڑ ءِ سیم سرئی دمگ ءَ درئی ناشرکار آنی ھلاپ ءَسیکورٹی فورسز آں کامیات کاروائی کتگ ایشی ءِ اندر ء پنچ درئی کاشرکار جہندمی بوتگ انت ءُ سیکورٹی فورسز آناں توسیپ ءُ ستا پیش کنان ءَ گوشتگ کہ پاک فوج ءِدلیریں ءُ مزن جگریں ورنا آناں سیم سر آناں اوشتاتگ۔ دو شمبے ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشتگ کہ پاک فوجءِدلیریں ورنا مدام ماتیں وطن ءِرکھینگ ءِ واستہ سیم سراں اوشتاتگ انت۔ مزن وزیر ءَ درئی ناشرکار آں گوں دلیری ءَ مقابلہ کنان ءَ شہید بوھوکیں پاک فوج ءِ ورنا نائیک عنایت خان، لانس نائیک عمر حیات ءُ سپاہی وقار خان ءَ را توسیپ ءُ ستا پیش کتگ ءُ گمیگیں ھاندان ءَ گوں سگ ءُ اوپار کشی ءِ دعا ءُ نیک کتگ۔
