اسلام آباد۔19اگست (اے پی پی):چیئرمین سینیٹ سید یوسف رضا گیلانی ءَ سرجمیں ملک ءِ جتا جتائیں دمگ ھاسیں رنگ ءَ بلوچستان ءُ خیبر پختونخوا ءَ ھوار ءُسیلاپ ءِ سبب ءَ بواھوکیں جانی ءُ مالی تاوان بار آنی پد ءَ ڈکھ ءُ اپسوزی ءِ درشان کتگ۔ دو شمبے ءَ یک بیان ءَ چیئرمین سینیٹ ءَ گوشتگ کہ ڈکھ ءِ ساھت ءَ آماچیں مردم آنی سیاد ءُ مردم آنی گم ءَ ھمکچی ءَ ھوار آں۔ اللہ پاک ءَ گوں دعا انت کہ ٹپیگ آناں زوت جان سلامت کنات۔ چیئرمین سینٹ سید یوسف رضا گیلانی ءَ سیادی داروکیں ادارگ آناں گامگیج آنی تہ ءَ ترندی آرگ ءِ پنت ءُ شون کتگ۔ آئیءَ گوشتگ کہ کدرتی ھور ءُ توپ یک میاں اوستمانی جیڈھ ات۔ یکجائی کوشست ءَ چہ ما اے نیگیٹیو رند پد آناں کم کنگ بوت کناں، اے وھد ءَ پاکستان ءَ را موسمی مٹ ءُ بدلی وڑیں جیڈھ آنی گوما دیم پہ دیمی انت، ھور آنی ساھت ءَ مردم آنی جان سلامتی رھبند آناں وتی کنگ لوٹ ائیت۔
