پشاور۔ 19 اگست (اے پی پی):گورنرخیبرپختونخوافیصل کریم کنڈی ءَ گوشتگ کہ قبائلی الس آنی ملک ءُ راج ءِ واستہ گران بھائیں ازمت است انت، قبائلی الس آنی زبھری ءَ را ھلاس کناں، فاٹا ءِ ھوار بوھگ ءَ چہ پد چپ ءُ چوٹیں جیڈھ آنی گوما دیم پہ دیمی کنگ کپگ ءَ انت، گچین بوتگیں السی نماھندگ آناں ھاسیں رنگ ءَ قبائلی الس آنیاستیں جیڈھ آنی گیواری ءِ واستہ کرد پیلو کنگ لوٹ ائیت۔ اے ھیالانی درشانی آئی ءَ دو شمبے ءِ روچ ءَ گورنر گس پشاور ءَ ھوار بوتگیں ضلع خیبر ءَ را کی خیل قبائل ءِ یک نماھندگ ڈلے ءَ گوں گند ءُ نند ءِ ساھت ءَ کت۔ ڈل ءَ پاکستان پیپلز پارٹی PK-70 ءِ امیت وار ملک واحد شاہ، ملک نائید شاہ، خان محمد ، ثناء اللہ ءَ ھوار ایندگر مشیر ھوار اتنت۔ ڈل ءِ شریکیں آں گورنر ءَ را کی خیل قبائل ءِ آماچیں جیڈھ آنی ھوالگ ءَ سرپد کت۔ آئی ءَ گوشت کہ آ 2012 ءَ چی آئی ڈی پیز ءِ زندمان گوازینگ ءَ انت۔ 2017 ءَ چہ انوگ ءَ تاں کساس 60 درسد دمگ کلیئر بوتگ بلے آ انوگ ءَ تاں ٹی ڈی پیز ءِ زندمان گوازینگ ءَ مجبور انت۔ آئیءَ گوشت کہ سرجمیں تباہ بوتگیں گس آنی معاوضہ ھم منوگر بوتگ پدا ھم ایشی ءِ سر ءَ پد ءُ ر ند نہ بوتگ۔ ڈل ءَ بنجاھ ءِ نماھند ءِ بستار ءَ آوانی جیڈھ بنجاھی حکومت ءِ دیم ءَ ایر کنگ ءُ ایشانی استیں جیڈھ آنی گیواری ءِ واستہ ھ گورنر ءَ گوں کمک ءِ دزبندی کتگ۔ گورنر ءَ گوشتگ کہ گورنر ءِ اگدہ ءِ گرگ ءَ چہ آئیءَ صوبگ ءُ ھوار بوھوکیں ضلع آنی استیں جیڈھ آنی گیواری ءِ واستہ استیں جیڈھ آنی گیواری بنجاھی حکومت ءَ گوں گپ کتگ ءُ آیوکیں وھد ءَ ھم استیں فورم ءِ جیڈھ آنی گیواری ءِ واستہ گوانک ءَ چست کنت۔ آئیءَ ڈل ءِ استیں جیڈھ آنی گیوری ءِ واستہ بنجاھی حکومت ءَ گوں تران کت ءُآیوکیں وھد ءَ ھم سیادی داروکیں فورم ءِ جیڈھ آناں گیوار کنگ ءِ واستہ گوانک چست کنت انت۔ آئیءَ ڈل ءَ را دل یکیمی دات کہ کوخیل قبائل ءِ جیڈھ آنی گیواری ءِ واستہ ، مزن وزیر ءَ ھوار ھمک فورم ءِ کرد ءَ ر ا پیلو کنت انت، کمشنر پشاور ڈویژن ءَ چہ مالومداری در جنگ ءِ واستہ ارچند زوت بوت کنت کوکی خیل قبائل ءِ جیڈھ آنی گیواری ءِ واستہ کنگ بہ بنت۔ ڈل ء ِ شریکیں مردم آں جیڈھ آنی گیواری ءَ واھگ دارگ ءِ پد ءَ گورنر ءِ شگر ءُ منت واری گپت۔
