اسلام آباد۔ 19 اگست (اے پی پی) بنجائی وزیر امور کشمیر و گلگت بلتستان و سیفران انجینئر امیر مقام مچ آملک اٹی ساڑی آ پِر تیان مروک آ جونی و مالی نسخان تیا ڈکھیائی واست ہسونی نا درشانی ءِ کرینے، دوشنبے نادے آ جاری بیان اٹی بنجائی وزیر زہمی خاہوت آتون ہمدردی نا درشانی ءِ کرے و پارے کہ مچ آ قوم مشکل نا داساہت اٹی زہمی تتون تفوک ءِ۔ بنجائی وزیر انجینئر امیر مقام پارے کہ تعلقدار کمامدارآک زہمی تے ریلیف نا دمدستی فراوانی ءِ پک کیر۔ بنجائی وزیر پِر تیٹی چندی شکست آتیٹی زوال کروک آ بندغ آتا بخشش و ٹھپی تا زوت دراخ جوڑی کن دعاکرے۔
