وزیراعلیٰ سندھ نا پیرجوگوٹھ اٹی پاڷکُننگ آن 6 بندغ آتا زوال مننگ نا نوٹس، جاست وپاست کرسا سرجم رپورٹ اس تننگ نا پارت

کراچی۔ 19 اگست (اے پی پی) وزیراعلیٰ سندھ سید مراد علی شاہ پیرجوگوٹھ اٹی پاڷ کُننگ آن اِراچناڑتون اوار 6 بندغ نا زوال کننگ نا نوٹس ءِ ہلسا کمشنر و ڈی آئی جی سکھر ءِ جاست وپاست کرسا سرجم رپورٹ اس تننگ نا پارت کرے۔ سی ایم ہاؤس آن جاری بیان اٹی اوپیر جوگوٹھ اٹی مروک آ واقعہ غا است ہسونی نا درشانی ءِ کرے۔ اوپارے کہ جاست وپاست چندی پلو آتے اٹ کننگے کہ پاڷ زیاری امر مسر، دا فتے ہراکان اتنگاسس، دارداٹ لاپرواہی و دشمنی پین پین ءِ ہم مون آ تخنگے۔ وزیراعلیٰ تعلقدار کمامدارآتے زوال کروک بندغ آتا خاہوت آتون ہروڑنا کمک کننگ نا ہم پارت کرے۔