راولپنڈی۔ 19 اگست (اے پی پی) اینٹی نارکوٹکس فورس منشیات اسمگلنگ نا برخلاف 11 کارروائی تیٹی 2.5 کروڑ روپئی مالیت نا 85 کلوگرام منشیات دوئی کرسا 11 دوبہ دار آتے دزگیرکرے۔ اے این ایف ہیڈکوارٹر راولپنڈی آن جاری 24 گھنٹہ ناانسداد منشیات کارروائی تا سرجم حوال آتا رداٹ راولپنڈی ٹی کوریئر آفس اٹی قطر آ مون تروک آ پارسل آن 1 کلوگرام آئس دوئی کننگا۔ فیصل آباد بالی پٹ آ بحرین آ ہنوک آ مسافر آن 250 گرام آئس دوئی کننگا۔ لاہور بالی پٹ آن بحرین آ ہنوک آ مسافر آن 189 گرام آئس دوئی کننگا۔ آرسی ڈی روڈ لسبیلہ نا خڑک گاڈی اسے آن 40 کلوگرام چرس و 14.4 کلوگرام آئس دوئی کرسا دوبہ دار آتے دزگیرکننگا۔ ایم ون اسلام آباد نا خڑک زالبول اسے آن 9.6 کلوگرام چرس دوئی کننگا۔ جی ٹی روڈ اٹک آ موٹرسائیکل سوار آن 7.2 کلوگرام چرس دوئی کننگا۔ طورخم اٹی اِرا کارروائی تیٹی دوبہ دار آن 7.4 کلوگرام چرس و 900 گرام آئس دوئی کننگا۔ لاہور اٹی یوای ٹی گیٹ 3 نا خڑک 3 دوبہ دارآتیان 3 کلوگرام ہیرون دوئی کننگا۔ شیرشاہ ٹول پلازہ نا خڑک دوبہ دار آن 1کلوگرام آئس دوئی کننگا۔ ڈسکہ سیالکوٹ روڈ انا خڑک زالبول اسے آن 300 گرام آئس دوئی کننگا۔ ترجمان اے این ایف پارے کہ دزگیر دوبہ دار آتا برخلاف انسداد منشیات ایکٹ انا رداٹ مقدمہ نوشتہ کرسا جاست وپاست نا بناءِ کننگانے۔
