اسلام آباد۔18اگست (اے پی پی): بنجاھی وزیر تہی کار محسن نقوی ءَ گوشتگ کہ بلوچستےان ءِ وشھالی ءُ دیمروئی ءُ مھکمیں ایمنی ءَ گوں بندوک انت، بلوچستان ءِ مھکمیں دیمروئی ءِ واستہ توامیں سٹیک ہولڈرز آناں یک جاھے ءَ آرگ لوٹ ائیت، بلوچستان ءِ ورنا آناں وت مستر جوڑ کنگ ءِ واستہ ٹوھیں گامھگیج کنگ ءِ ضلورت انت۔ وزارت ءِ تہیکار ءِ نیمگ ءَ چہ جاڑی بوتگیں جار ءِ رد ءَ بنجاھی وزیر تہی کار محسن نقوی ءَ فرنٹیئر کور ساوتھ بلوچستان ءِ ہیڈھ کوارٹر ءِ تر ءُ تاب کت۔ فرنٹیئر کور ساوتھ ءِ آئی جی میجر جنرل بلال سرفراز خان ءَ بنجاھی وزیر تہی کار محسن نقوی ءَ را وش اتک کت۔ محسن نقوی ءَ فرنٹیئر کور ساوتھ ءِ ہیڈ کوارٹر ءَ یاتگیر آنی کبر ءِ سر ءَ شت انت ءُ پل آنی چادر پر دات ءُ پاتیہ وانی کت۔ وزیر تہی کار محسن نقوی ءَ فرنٹیئر کور ءِ شہید ءِ قربانی آناں توسیپ ءُ ستا پیش کت۔ اے موہ ءَ بنجاھی وزیر تہی کار ءِ سروکی ءَ فرنٹیئر کور ساوتھ ءِ ہیڈ کوارٹر ءَ ارزشتی ایں دیوان ءِ برجم داشت۔ وزیر ءِ تہی کار ءَ را فرنٹیئر کورساوتھ ءِ ہیڈ کوارٹر ءَ ارزشتی ایں دیوان ءِ برجم دارگ بوت۔ وزیر ءِ تہی کار ءِ را فرنٹیئر کور ساوتھ ءِ کزبی کار کار ، درئی ناشرکاری آنی ھلاپ ءَ آپریشنز ءُ شپوکی ءِ گر ءُ دار ءِ بابت ءَ بریفنگ ھم دیگ بوت۔
ا
