اسلام آباد۔18اگست (اے پی پی):نائب مزن وزیر ءِ نائب محمد اسحاق ڈار ءَ ھاٹیگ ءِ رکھینگ ءُ اقتصادی دیمروئیءِ واستہ پیٹرولیم سیکٹر ءِ ارزشت ءَ را سہرا کنان ءَ گوشتگ کہ صنعت ءِ جیڈھ آنی گیواری ءِ واستہ ایکشن پلان رد ءُ بند دیگ، ھندی ءُ گیر ملکی کمپنی آنی آسراتی پجاری کنگ ءِ واستہ ھمک رنگیں گامگیج کنگ ءِ جزم ءِ درشان کتگ۔ ایشی ءَ چہ شوبگ ءَ گیش سرمایہ کاری ءَ را دلگوش کنگ ءَ کمک بیت۔ درئی کارانی کارگس ءِ نیمگ ءَ چہ جاڑی بوتگیں جار ءِ رد ءَ نائب مزن وزیر ءِ سروکی ءَ پیٹرولیم سیکٹر ءِ ای اینڈ پی کمپنی آنی استیں جیڈھ آناں چار ءُ تپاس ءِ واستہ رد ءُ بند کتگیں کمیٹی ءِ اولی دیوان برجم بوت۔ اے موہ ءَ ھندی ءُ گیر ملکی ای اینڈ پی کمپنی آنی سروک آں سرکلر وام ءَ را گیش کنگ ءِ سبب ءَ سیکٹر ءِ سیکورٹی ءُ برجائی ءَ چہ استیں اوست آنی ھوالگ ءَ دیوان ءَ را سرپد کنگ بوت۔
