اسلام آباد۔18اگست (اے پی پی):اسپیکر راجی اسمبلی سردار ایاز صادق ءَ گوشتگکہ 19 اگست 2014 ءَ ملکی تاریخ ءَ سیاھیں روچ ءِ رنگ ءَ یات کنگ بیت۔ دھ سال ءَ چہ پیسر مرچیگیں روچ ءَ پارلیمنٹ گس ءِ ماڑی ءَ را چپ ءُ چاگرد ءُ ایشی ءَ چہ پد سیاسی گل آنی باسک آناں چنڈینتگ ءُ پرشت ءُ پوش کتگ ءُ گران بھائیں ماڑی آناں تاوان پجارینتگ۔ ائے سلیں واکیہ ءَ را ارچی مذمت کنے کم انت۔ راجی اسمبلی سیکرٹریٹ ءِ ڈائریکٹوریٹ جنرل آف میڈیا ءِ رد ءَ اے ھیالانی درشانی آئی ءَ سیاسی گل آنی سروکی ءَ پارلیمنٹ ءِ باسک آنی سر ءَ ارش ءِ 10 سال سرجم بوھگ ءِ موہ ءَ وتی کلوہ ءَ کت۔ اسپیکر سردار ایاز صادق ءَ گوشت کہ اچ جمہوری سسا داروکیں پارلمان ءِ شرپ ءَ را لگت مال کنگ ءِ سسا کت نہ کنت۔
