اسلام آباد۔ 17 اگست (اے پی پی) پاکستان بالی پٹ اتھارٹی (پی اے اے ) ترجمان پارینے کہ منکی پاکس نا بابت  ملکی بالی پٹ آتیا سخت چاروکی کننگ انگ ءِ۔ ہفتہ نادے آ جاری بیان نا رداٹ ایلو بالی پٹ آتیانبار اسلام آباد و پشاور بالی پٹ آتیا ہم خاص بست وبند کننگانے۔ ڈائریکٹر جنرل ہیلتھ خیبرپختونخواہ (کے پی ) ڈاکٹرسلیم باچاخان انٹرنیشنل بالی پٹ اٹی قرنطینہ سینٹر نا دورہ ءِ کرے، ڈائریکٹر ہیلتھ کے پی ڈاکٹر ارشاد و بالی پٹ ہیلتھ آفیسر و ڈی ٹی ایم ئسک ہم دا بابت کروک آ بست وبند آتا جاچ ءِ ہلکر۔ ڈی جی ہیلتھ کے پی جہانی بننگ لاؤنج اٹی واقع قرنطینہ نا دورہ ءِ کرے۔ ڈی جی ہیلتھ کے پی منکی پاکس نا توننگ کن بست وبند و پروٹوکول آتا ہم جاچ ءِ ہلک۔ پشاور بالی پٹ انتظامیہ نار داٹ منکی پاکس اٹی اختہ بندغ آتے قرنطینہ غان ریسکیو 1122 ایمبولینس نا کمک اٹ پولیس ہسپتال گدریفنگک۔ ترجمان پارے کہ اسلام آباد بالی پٹ آ ہم جہانی جہاز آتا بننگ آن پد بریج، بیگیج و لاؤنج آتیٹی ڈس انفیکشن سپرے کننگ انگ ءِ۔

متعلقہ مضامینمصنف کی طرف سے مزید