بلوچستان نا چندی ضلع غاتیٹی پِر تا چرجوئی بروک آ اِر ٹ آن مسہ دے اسکان برجاسلنگ نا گمان ءِ، پی ڈی ایم اے

کوئٹہ۔ 17 اگست (اے پی پی) بلوچستان نا چندی ضلع غاتیٹی بشام نا پِرتا چرجوئی بروک آ اِرٹ آن مسہ دے اسکان برجاسلنگ نا گمان ءِ۔ ترجمان پی ڈی ایم اے نا رداٹ تدوک آ 24 گھنٹہ ٹی خضدار، لورالائی، سبی، ژوب، مسلم باغ اٹی پِر مس، لورالائی16، سبی 13 ، خضدار 6، مسلم باغ 3 و ژوب اٹی 2 ملی میٹر پِر ریکارڈ کننگا۔ ترجمان پارے کہ زیارت، بارکھان، کوہلو، نصیر آباد ، جھل مگسی، جعفر آباد و اوستہ محمد اٹی ہم پڑی پڑی پِر ریکارڈ کننگانے وخت اس کہ بروک آ 24 گھنٹہ ٹی  ژوب، بارکھان، زیارت ، لورالائی، ہرنائی، سبی، قلات، خضدار، جعفر آباد اٹی پِر انا چرجوئی بروک آ اِرٹ آن مسہ دے اسکان برجاسلنگ نا گمان ءِ۔